Uppbyggingarsjóður Suðurnesja hefur það að markmiði að stuðla að jákvæðri samfélagsþróun á Suðurnesjum með því að treysta stoðir menningar og auka samkeppnishæfni svæðisins.
Sjóðurinn er byggður á samningi um Sóknaráætlun Suðurnesja fyrir árin 2015 – 2019, sem atvinnu- og nýsköpunarráðuneytið, mennta- og menningarmálaráðuneytið og Samband sveitarfélaga á Suðurnesjum hafa gert með sér og tekur við af Menningarsamningi Suðurnesja og Vaxtarsamningi Suðurnesja. Sjóðurinn styrkir menningar-, atvinnu- og nýsköpunarverkefni, og önnur verkefni sem falla að Sóknaráætlun Suðurnesja. Sjóðurinn auglýsir styrki til umsóknar ár hvert.

  • Ragnar Guðmundsson formaður
  • Fríða Stefánsdóttir
  • Margrét Soffía Björnsdóttir (Sossa)
  • Brynja Kristjánsdóttir
  • Jón Emil Halldórsson
  • Jóngeir Hlinason
  • Davíð Páll Viðarsson

Verkefnastjóri er Björk Guðjónsdóttir og auglýsir sjóðurinn eftir umsóknum einu sinni á ári.

Um sjóðinn
Regur sjóðsins
Úthlutanir

Markaðsstofa Reykjaness er samstarfsvettvangur sveitarfélaga og fyrirtækja á Reykjanesi við að markaðssetja Reykjanesið sem ákjósanlegan áfangastað fyrir ferðamenn. Helsta hlutverk markaðsstofunnar er að samræma markaðs- og kynningarmál ferðaþjónustu á Reykjanesi gagnvart innlendum og erlendum ferðamönnum.

Meðal verkefna sem markaðsstofan sinn er er að þróa og styrkja ímynd Reykjaness sem áhugaverðan áfangastað á Íslandi, vinna með upplýsingamiðstöðvum og gestastofum á svæðinu og samræma upplýsingar sem gefnar eru út. Markaðsstofan aðstoðar hagsmunaaðila við að samræma markaðsaðgerðir og viðburði innan svæðisins, tekur saman rannsóknir á ferðahegðun og markhópagreiningu og stuðlar að nýsköpun í ferðaþjónustunni á svæðinu ásamt því að veita aðstoð og ráðgjöf.

  • Kjartan Már Kjartansson formaður
  • Fannar Jónasson
  • Sigrún Árnadóttir
  • Magnús Stefánsson
  • Ásgeir Eiríksson
  • Guðjón Skúlason
  • Marta Jónsdóttir
  • Brynhildur Kristjánsdóttir

Náttúran á Reykjanesskaganum er stórbrotin með sínu mikla háhitasvæði með frussandi hverum og gufustrókum, hraunbreiðum og heimsþekktum fuglabjörgum.
Norður-Atlandshafshryggurinn rís úr sjó á Reykjanesi og þar er hægt að finna 100 mismunandi gíga, hella, hraunbreiður, kletta og svartar strendur.

Hvergi í heiminum má sjá flekaskilin ganga á land með jafn áþreifanlegum hætti og á Reykjanesi. Í Reykjanes Geopark er að finna margar merkilegar jarðminjar og eru sumar þeirra einstakar á heimsvísu. Þar er að finna allar ólíkar eldstöðvar m.a. fjögur gosbelti og samanstendur hvert þeirra af hundruðum opinna sprungna, gígaraðir, dyngjur og skjaldlaga bungur.

Reykjanesskaginn er í dag geopark og hluti af verndaráætlun Unesco eða Unesco Global Geopark.

Reykjanes Geopark nær yfir allt land sveitarfélaganna Grindavíkurbæjar, Reykjanesbæjar, Suðurnesjabæjar og Sveitarfélagsins Voga. Geopark er samstarfsvettvangur sem byggir á því að nýta sérstöðu svæðisins, þ.e. merkilega jarðfræðiarfleið og einstaka jarðsögu, til verðmætasköpunar.

Stjórn Reykjanes Geopark er skipuð sjö einstaklingum og sjö eru skipaðir til vara. Stjórnin er skipuð til eins árs í senn. Þau sveitarfélög sem ekki eiga fulltrúa í stjórn hafa rétt á að skipa áheyrnarfulltrúa með málfrelsi og tillögurétt.

Hér má sjá fundargerðir stjórnar

STJÓRN REYKJANES GEOPARK 2018-2019

  • Ásgeir Eríksson, formaður (f.h. Sveitarfélagsins Voga)
  • Magnús Stefánsson (f.h. Suðurnesjabæjar)
  • Sigurgestur Guðlaugsson (f.h. Reykjanesbæjar)
  • Fannar Jónasson, formaður (f.h. Grindavíkurbæjar)
  • Berglind Kristinsdóttir (f.h. Heklunnar – Atvinnuþróunarfélags Suðurnesja)
  • Kristín Vala Matthíasdóttir (f.h. HS Orku)
  • Árni Sigfússon (f.h. Bláa Lónsins)

Í varastjórn eiga sæti:

  • Kjartan Már Kjartansson (f.h. Reykjanesbæjar)
  • Jón Þórisson (f.h. Grindavíkurbæjar)
  • Bergur Álfþórsson (f.h. Sveitarfélagsins Voga)
  • Rakel Ósk Eckard (f.h. sameinaðs sveitarfélags Sandgerðisbæjar og Sveitarfélagsins Garðs)
  • Hanna María Kristjánsdóttir (f.h. Þekkingarseturs Suðurnesja)
  • Sindri Gíslason (f.h. Þekkingarseturs Suðurnesja)
  • Sigrún Elefsen (f.h. Ferðamálasamtaka Reykjaness)

Reykjanesskaginn er ungur hluti Íslands. Reykjanes Geopark er 829 km2. Hann er þurrlendishluti Mið- Atlantshafshryggjarnins, mjög eldvirkur eins og neðansjávarhlutinn. Út frá honum rekur tvær jarðskorpuplötur (-fleka) í gagnstæðar áttir, að meðaltali 2,0-2,5 cm á ári.

Á skaganum er að finna mörg móbergsfjöll og -fell frá jökulskeiðum á síðari hluta kvarteru ísaldarinnar, og enn fremur hraun og eldstöðvar af hlýskeiðum, einkum nútíma (sl. 11.500 ár).

Verkefnastjóri er Daníel Einarsson

Við styðjum bæði við ný sprotafyrirtæki sem og fyrirtæki í nýsköpun.

Stuðningur við frumkvöðla felst m.a. í leigu á aðstöðu í frumkvöðlasetrinu Eldey en einnig er boðið upp á ráðgjöf, fræðslu og námskeið.
Ráðgjafar Heklunnar veita aðstoð við gerð viðskiptaáætlana, markaðsáætlana og veita viðtöl og ráðgjöf til þess að fylgja nýsköpunarverkefnum eftir.

Boðið er upp á námskeið og fyrirlestra fyrir frumkvöðla.

Hægt er að panta viðtal hér.

Verkfærakista frumkvöðulsins

https://www.nmi.is/is/frumkvodlar/verkfaerakista-frumkvodulsins

Fjárfestakynningar

How To Create A Great Investor Pitch Deck For Startups Seeking Financing: https://www.forbes.com/sites/allbusiness/2017/03/04/how-to-create-a-great-investor-pitch-deck-for-startups-seeking-financing/#4ca34c782003

Linkar linkar með mjög góðum sýnidæmum(hægt að fletta glærunum):

30 Legendary Startup Pitch Decks And What You Can Learn From Them: https://piktochart.com/blog/startup-pitch-decks-what-you-can-learn/

35 Best Pitch Decks From 2017 That Investors Are Talking About: https://www.konsus.com/blog/35-best-pitch-deck-examples-2017/

Flott samantekt á lyftukynningu – Make your Pitch Perfect: The Elevator Pitch: https://www.youtube.com/watch?v=bZTWx2bftaw

Gott dæmi um stutta, hnitmiðaða kynningu: https://www.youtube.com/watch?v=i6O98o2FRHw

Lýsið hugmyndinni í 1-2 setningum, – fínt reyna að fylla inn í þetta: http://nmi.is/media/391514/leidarvisir-fyrir-frumkvodla_fillable-form.pdf

Markaðssetning

https://www.nmi.is/is/frumkvodlar/markadsmal

Frumlegar leiðir til að markaðssetja fyrirtæki

asdf

400. fundur SSS 28. mars 1996

Prenta

 Árið 1996 er fundur haldinn í stjórn Sambands sveitarfélaga á Suðurnesjum fimmtudaginn 28. mars kl. 16.00.

Mætt eru:  Óskar Gunnarsson, Sigurður Jónsson, Hallgrímur Bogason, Jón Gunnarsson, Drífa Sigfúsdóttir, Guðjón Guðmundsson framkv.stj. og Jóhanna M. Einarsdóttir.

Dagskrá:

1. Bréf dags. 12/2 1996 frá iðnaðarnefnd Alþingis ásamt tillögu til  þingsályktunar um nýtingu Krísuvíkursvæðisins, 211. mál.  Frestað frá síðasta fundi.
Stjórnin mælir með samþykki tillögunnar.

2. Bréf dags. 26/2 1996  frá efnahags- og viðskiptanefnd Alþingis ásamt frumvarpi til laga um tímareikning á Íslandi, 197. mál. 4 stjórnarmenn mæla með samþykkt frumvarpsins en 1 stjórnarmaður er á móti.

3. Bréf dags. 22/3 1996 frá efnahags- og viðskiptanefnd Alþingis, ásamt frumvarpi til laga um réttindi og skyldur starfsmanna ríkisins, 372. mál.  Ákveðið að Drífa Sigfúsdóttir, Jón Gunnarsson og Sigurður Jónsson gefi drög að umsögn um frumvarpið.

4. Bréf dags. 20/3 1996 frá Byggðastofnun ásamt ályktun stjórnar um atvinnuráðgjöf og stuðning við ferðamálaráðgjafa.  Í bréfinu er óskað eftir viðræðum um þessi mál við fyrstu hentugleika.  Ákveðið að fela fulltrúum S.S.S., Óskari Gunnarssyni og Sigurði Jónssyni að ræða við fulltrúa M.O.A. um framgang málsins.

5. Bréf dags. 27/2 1996 frá nefnd um fjallskilamál í Landnámi Ingólfs varðandi endurskoðun og sameiningu fjallskilasamþykkta á svæðinu.  Stjórnin er sammála um að framsenda samþykkt fjallskilanefndar Grindavíkur varðandi réttir í 22. og 23. viku sumars.  Jafnframt tekur meirihluti stjórnar undir öll þau atriði sem fram koma í meðfylgjandi bréfi sveitarstjórna Kjalarneshrepps dags. 16. mars 1996.
Fulltrúi Grindavíkur mótmælir harðlega samþykkt meirihluta stjórnar S.S.S. á áliti Kjalarneshrepps og vekur á því athygli að í Grindavík eru mörg lögbýli og önnur sveitarfélög hér en Grindavík er með lítinn sauðfjárbúskap.

6. Bréf dags. 16/3 1996 frá Jóhanni Pétri Líndal sveitarstjóra Kjalarneshrepps.  Lagt fram og vísað til 5. liðar.

7. Bréf dags. 1/3 1996 frá Menntamálaráðuneytinu sem er svar við bréfi stjórnar S.S.S. til ráðuneytisins varðandi breytingar á tekjustofnun sveitarfélaga vegna flutnings grunnskóla.  Lagt fram.

8. Bréf dags. 12/3 1996 frá Utanríkisráðuneytinu þar sem fram kemur að skýrsla framkvæmdanefndar um stofnun frísvæðis er til umsagnar í fjármálaráðuneytinu.  Framkvæmdastjóra falið að ganga eftir umsögn ráðneytisins.

9. Bréf dags. 20/3 1996 frá Félagsmálaráðuneytinu varðandi notkun opinberra aðila o.fl. á nöfnum sveitarfélaga.  Lagt fram.

10. Bréf dags. 20/3 1996 frá Sambandi ísl. sveitarfélaga ásamt erindi Námsgagnastofnunar um þjónustu stofnunarinnar við skólamálaskrifstofu.  Erindinu vísað til nefndar sveitarfélaganna um grunnskólann.

11. Frá fulltrúaráðsfundi Sambands ísl. sveitarfélaga 8. – 9. mars 1996. 
Undir þessum lið var m.a. fjallað um flutning grunnskólans.
Ákveðið að halda fund í apríl fyrir sveitarstjórnarmenn um flutning grunnskólans.  Formanni og framkvæmdastjóra falið að koma fundinum á.

12. Afgreiðsla sveitarstjórna á fjárhagsáætlunum sameiginlega rekinna stofnana sveitarfélaganna á Suðurnesjum.  Sveitarfélögin hafa öll samþykkt þær og hafa þær því tekið gildi.

13. Samgöngumál – málinu frestað.

14. Sameiginleg mál.Gerð grein fyrir stöðu mála varðandi D-álmu.

Fundinum bárust þakkir frá S.S.H. fyrir móttökurnar á Suðurnesjum 15. mars s.l.  Stjórn S.S.S. þakkar S.S.H. fyrir komuna og gjöf sem þeir færðu sambandinu.

Fleira ekki gert og fundi slitið. kl. 18.30.