527. fundur SSS 19. febrúar 2004 - SSS

527. fundur SSS 19. febrúar 2004

Prenta

Árið 2004, er fundur haldinn í stjórn Sambands sveitarfélaga á Suðurnesjum fimmtudaginn 19. febrúar 2004 kl. 17.00 á Fitjum.

Mætt eru:  Reynir Sveinsson, Böðvar Jónsson, Hörður Guðbrandsson, Jón Gunnarsson, Sigurður Jónsson, Guðjón Guðmundsson framkv.stj. Ritari er Guðbjörg Jóhannsdóttir atvinnuráðgjafi SSS.  Gestur fundarins er Björn Guðbrandur Jónsson frá Gróðri fyrir fólk í Landnámi Ingólfs.

Dagskrá:

1. Fundargerð Fjárhagsnefndar S.S.S. frá 5/2 ´04 lögð fram, umræða átti sér stað um erindið.  Framkvæmdarstjóra er falið að koma með minnisblað á næsta fund varðandi málið. 

2. Bréf dags. 4/2 ´04 frá félagsmálaráðuneytinu.  Staðfest er að upplýsingar eru í samræmi við fjárhagsáætlun S.S.S.

3. Bréf dags. 6/2 ´04 frá Gróðri  fyrir fólk í Landnámi Ingólfs (GFF).   Björn Guðbrandur Jónsson fulltrúi GFF kynnti starf GFF á fundinum og greindi frá verkefnum sem unnin voru sumarið 2003, m.a. á Suðurnesjum.  Starfsemi GFF felst í nýtingu lífrænna úrgangsefna í þágu uppgræðslu og byggist á menntun og þekkingu.  Fyrir hönd GFF er óskað eftir samstarfi við sveitarfélögin á Suðurnesjum á sumri 2004.  Stjórn S.S.S. tók vel í erindið.

4. Bréf dags. 29/1 ´04 frá Háskóla Íslands varðandi stofnun Háskólaseturs Suðurnesja, þar sem óskað er tilnefningar í stjórn setursins.  Málinu frestað til næsta fundar.

5. Bréf  (afrit) dags. 13/2 frá Þingflokki Vinstrihreyfingarinnar – græns framboðs ásamt gögnum lagt fram til kynningar.

6. Erindi frá félagsmálaráðuneytinu með ósk um samvinnu um námskeiðahald.  Framkvæmdastjóra falið að skoða erindið frekar fyrir næsta fund.

7. Bréf dags. 5/2 ´04 frá umhverfisnefnd Alþingis ásamt tillögu til þingsályktunar um náttúruverndaráætlun 2004-2008, 477. mál.  www.althingi.is/altext/130/s/0716.html  Stjórn S.S.S. tekur undir umsögn Hitaveitu Suðurnesja hf. dags. 19. febrúar 2004 um frumvarpið sem kynnt var á fundinum.

8. Bréf dags. 9/2 ´04 frá samgöngunefnd Alþingis ásamt tillögu til þingsályktunar um aðgang landsmanna að GSM-farsímakerfinu, 28. mál. www.althingi.is/altext/130/s/0028.html   Stjórn S.S.S. tekur ekki afstöðu til málsins.

9. Bréf dags. 11/2 ´04 frá samgöngunefnd Alþingis ásamt tillögu til þingsályktunar um jarðgöng undir Vaðlaheiði, 421. mál. www.althingi.is/altext/130/s/0579.html  Stjórn S.S.S. tekur ekki afstöðu til málsins.

10. Bréf dags. 13/2 ´04 frá utanríkismálanefnd Alþingis ásamt tillögu til þingsályktunar um stefnu Íslands í alþjóðasamskiptum, 114. mál.  www.althingi.is/altext/130/s/0114.html  Stjórn S.S.S. tekur ekki afstöðu til málsins.

11. Bréf dags. 13/2 ´04 frá utanríkismálalnefnd Alþingis ásamt tillögu til þingsályktunar um skipan nefndar um öryggi og varnir Íslands, 86. mál.
  www.althingi.is/altext/130/s/0086.html  Stjórn S.S.S. tekur ekki afstöðu til málsins.

12. Ráðstefna um ferðamál sem haldin var 13. febrúar s.l. á vegum S.S.S. og Ferðamálsamtaka Suðurnesja.  Ráðstefnan þótti vel heppnuð í alla staði.  Stjórn S.S.S. felur  atvinnuráðgjafa S.S.S. í samráði við Ferðamálasamtök Suðurnesja að taka upp viðræður við stjórnendur Bláa Lónsins um hugsanlega staðsetningu kynningarefnis fyrir Suðurnes.

13. Fundir HSS með sveitarstjórnum, upplýst er að ekki hafa allar sveitastjórna hafa ekki lokið viðræðum.

14. Sameiginleg mál:
a. Umræða átti sér stað um svæðisútvarp fyrir Suðurnes. 
b. Stjórn felur framkvæmdastjóra S.S.S. að ítreka ósk um fund með fulltrúum frá utanríkis- og forsætisráðuneyti.
c. Minnisblað frá Félagsmálaráðuneyti – Svar til stjórnar S.S.S. er varðar kosningu í tengslum við sameiningu sveitarfélaga, lagt fram.
d. Stjórn S.S.S. óskar sveitarfélaginu Garði til hamingju með að vera komin í hóp bæjarfélaga.

 

Fleira ekki gert og fundi slitið kl 18:55