Uppbyggingarsjóður Suðurnesja hefur það að markmiði að stuðla að jákvæðri samfélagsþróun á Suðurnesjum með því að treysta stoðir menningar og auka samkeppnishæfni svæðisins.
Sjóðurinn er byggður á samningi um Sóknaráætlun Suðurnesja fyrir árin 2015 – 2019, sem atvinnu- og nýsköpunarráðuneytið, mennta- og menningarmálaráðuneytið og Samband sveitarfélaga á Suðurnesjum hafa gert með sér og tekur við af Menningarsamningi Suðurnesja og Vaxtarsamningi Suðurnesja. Sjóðurinn styrkir menningar-, atvinnu- og nýsköpunarverkefni, og önnur verkefni sem falla að Sóknaráætlun Suðurnesja. Sjóðurinn auglýsir styrki til umsóknar ár hvert.

  • Ragnar Guðmundsson formaður
  • Fríða Stefánsdóttir
  • Margrét Soffía Björnsdóttir (Sossa)
  • Brynja Kristjánsdóttir
  • Jón Emil Halldórsson
  • Jóngeir Hlinason
  • Davíð Páll Viðarsson

Verkefnastjóri er Björk Guðjónsdóttir og auglýsir sjóðurinn eftir umsóknum einu sinni á ári.

Um sjóðinn
Regur sjóðsins
Úthlutanir

Markaðsstofa Reykjaness er samstarfsvettvangur sveitarfélaga og fyrirtækja á Reykjanesi við að markaðssetja Reykjanesið sem ákjósanlegan áfangastað fyrir ferðamenn. Helsta hlutverk markaðsstofunnar er að samræma markaðs- og kynningarmál ferðaþjónustu á Reykjanesi gagnvart innlendum og erlendum ferðamönnum.

Meðal verkefna sem markaðsstofan sinn er er að þróa og styrkja ímynd Reykjaness sem áhugaverðan áfangastað á Íslandi, vinna með upplýsingamiðstöðvum og gestastofum á svæðinu og samræma upplýsingar sem gefnar eru út. Markaðsstofan aðstoðar hagsmunaaðila við að samræma markaðsaðgerðir og viðburði innan svæðisins, tekur saman rannsóknir á ferðahegðun og markhópagreiningu og stuðlar að nýsköpun í ferðaþjónustunni á svæðinu ásamt því að veita aðstoð og ráðgjöf.

  • Kjartan Már Kjartansson formaður
  • Fannar Jónasson
  • Sigrún Árnadóttir
  • Magnús Stefánsson
  • Ásgeir Eiríksson
  • Guðjón Skúlason
  • Marta Jónsdóttir
  • Brynhildur Kristjánsdóttir

Náttúran á Reykjanesskaganum er stórbrotin með sínu mikla háhitasvæði með frussandi hverum og gufustrókum, hraunbreiðum og heimsþekktum fuglabjörgum.
Norður-Atlandshafshryggurinn rís úr sjó á Reykjanesi og þar er hægt að finna 100 mismunandi gíga, hella, hraunbreiður, kletta og svartar strendur.

Hvergi í heiminum má sjá flekaskilin ganga á land með jafn áþreifanlegum hætti og á Reykjanesi. Í Reykjanes Geopark er að finna margar merkilegar jarðminjar og eru sumar þeirra einstakar á heimsvísu. Þar er að finna allar ólíkar eldstöðvar m.a. fjögur gosbelti og samanstendur hvert þeirra af hundruðum opinna sprungna, gígaraðir, dyngjur og skjaldlaga bungur.

Reykjanesskaginn er í dag geopark og hluti af verndaráætlun Unesco eða Unesco Global Geopark.

Reykjanes Geopark nær yfir allt land sveitarfélaganna Grindavíkurbæjar, Reykjanesbæjar, Suðurnesjabæjar og Sveitarfélagsins Voga. Geopark er samstarfsvettvangur sem byggir á því að nýta sérstöðu svæðisins, þ.e. merkilega jarðfræðiarfleið og einstaka jarðsögu, til verðmætasköpunar.

Stjórn Reykjanes Geopark er skipuð sjö einstaklingum og sjö eru skipaðir til vara. Stjórnin er skipuð til eins árs í senn. Þau sveitarfélög sem ekki eiga fulltrúa í stjórn hafa rétt á að skipa áheyrnarfulltrúa með málfrelsi og tillögurétt.

Hér má sjá fundargerðir stjórnar

STJÓRN REYKJANES GEOPARK 2018-2019

  • Ásgeir Eríksson, formaður (f.h. Sveitarfélagsins Voga)
  • Magnús Stefánsson (f.h. Suðurnesjabæjar)
  • Sigurgestur Guðlaugsson (f.h. Reykjanesbæjar)
  • Fannar Jónasson, formaður (f.h. Grindavíkurbæjar)
  • Berglind Kristinsdóttir (f.h. Heklunnar – Atvinnuþróunarfélags Suðurnesja)
  • Kristín Vala Matthíasdóttir (f.h. HS Orku)
  • Árni Sigfússon (f.h. Bláa Lónsins)

Í varastjórn eiga sæti:

  • Kjartan Már Kjartansson (f.h. Reykjanesbæjar)
  • Jón Þórisson (f.h. Grindavíkurbæjar)
  • Bergur Álfþórsson (f.h. Sveitarfélagsins Voga)
  • Rakel Ósk Eckard (f.h. sameinaðs sveitarfélags Sandgerðisbæjar og Sveitarfélagsins Garðs)
  • Hanna María Kristjánsdóttir (f.h. Þekkingarseturs Suðurnesja)
  • Sindri Gíslason (f.h. Þekkingarseturs Suðurnesja)
  • Sigrún Elefsen (f.h. Ferðamálasamtaka Reykjaness)

Reykjanesskaginn er ungur hluti Íslands. Reykjanes Geopark er 829 km2. Hann er þurrlendishluti Mið- Atlantshafshryggjarnins, mjög eldvirkur eins og neðansjávarhlutinn. Út frá honum rekur tvær jarðskorpuplötur (-fleka) í gagnstæðar áttir, að meðaltali 2,0-2,5 cm á ári.

Á skaganum er að finna mörg móbergsfjöll og -fell frá jökulskeiðum á síðari hluta kvarteru ísaldarinnar, og enn fremur hraun og eldstöðvar af hlýskeiðum, einkum nútíma (sl. 11.500 ár).

Verkefnastjóri er Daníel Einarsson

Við styðjum bæði við ný sprotafyrirtæki sem og fyrirtæki í nýsköpun.

Stuðningur við frumkvöðla felst m.a. í leigu á aðstöðu í frumkvöðlasetrinu Eldey en einnig er boðið upp á ráðgjöf, fræðslu og námskeið.
Ráðgjafar Heklunnar veita aðstoð við gerð viðskiptaáætlana, markaðsáætlana og veita viðtöl og ráðgjöf til þess að fylgja nýsköpunarverkefnum eftir.

Boðið er upp á námskeið og fyrirlestra fyrir frumkvöðla.

Hægt er að panta viðtal hér.

Verkfærakista frumkvöðulsins

https://www.nmi.is/is/frumkvodlar/verkfaerakista-frumkvodulsins

Fjárfestakynningar

How To Create A Great Investor Pitch Deck For Startups Seeking Financing: https://www.forbes.com/sites/allbusiness/2017/03/04/how-to-create-a-great-investor-pitch-deck-for-startups-seeking-financing/#4ca34c782003

Linkar linkar með mjög góðum sýnidæmum(hægt að fletta glærunum):

30 Legendary Startup Pitch Decks And What You Can Learn From Them: https://piktochart.com/blog/startup-pitch-decks-what-you-can-learn/

35 Best Pitch Decks From 2017 That Investors Are Talking About: https://www.konsus.com/blog/35-best-pitch-deck-examples-2017/

Flott samantekt á lyftukynningu – Make your Pitch Perfect: The Elevator Pitch: https://www.youtube.com/watch?v=bZTWx2bftaw

Gott dæmi um stutta, hnitmiðaða kynningu: https://www.youtube.com/watch?v=i6O98o2FRHw

Lýsið hugmyndinni í 1-2 setningum, – fínt reyna að fylla inn í þetta: http://nmi.is/media/391514/leidarvisir-fyrir-frumkvodla_fillable-form.pdf

Markaðssetning

https://www.nmi.is/is/frumkvodlar/markadsmal

Frumlegar leiðir til að markaðssetja fyrirtæki

asdf

650. fundur SSS 20. desember 2012

Prenta

Árið 2012, er fundur haldinn í stjórn Sambands sveitarfélaga á Suðurnesjum fimmtudaginn 20. desember kl. 17.00 á skrifstofu S.S.S., Skógarbraut 945, Reykjanesbæ.

Mætt eru: Gunnar Þórarinsson formaður, Ólafur Þór Ólafsson, Bryndís Gunnlaugsdóttir, Einar Jón Pálsson, Inga Sigrún Atladóttir varaformaður og Berglind Kristinsdóttir sem jafnframt ritaði fundargerð.

Formaður bauð Einar Jón Pálsson fulltrúa sveitarfélagsins Garðs velkominn á fundinn.

Dagskrá:

1. NPA – þjónusta, Þjónustuhópur um málefni fatlaðs fólks, Nökkvi Már Jónsson; Hjördís Árnadóttir og Kristín Þyri Þorsteinsdóttir.
Félagsmálastjórar sveitarfélaganna komu á fundinn og útskýrðu sjónarmið sitt varðandi NPA.  Þjónusturáðið hefur falið Fagteymi að vinna verklagsreglur vegna NPA þjónustu en drög að þeim verða tilbúin í febrúar 2013 og verð send sveitarfélögunum til umsagnar. 

2.  Framlag til Sóknaráætlana landhluta.
Samkvæmt frétttilkynningu forsætisráðuneytisins sem dagsett er 27. nóvember 2012 og fjallar um skiptingu fjármuna í tengslum við sóknaráætlun landshluta, liggur fyrir að hlutur Suðurnesja er 45,3 milljónir í þessum 400 milljónum sem eru til skiptana.  Skiptingin var ákvörðum á grundvelli fimm viðmiða en tekið var tillit til íbúafjölda, íbúaþróunar, atvinnuleysis, íbúaþéttleika og hagvaxtar. 

Næstu skref í Sóknaráætlun Suðurnesja verður því að fela stjórn Heklunnar að gera tillögur um forgangsröðun og kostnaðarmeta verkefnin.  Tillögur verða svo sendar stjórn Sambandsins til yfirferðar, í framhaldi verða tillögurnar sendar bæjarstjórnum á Suðurnesjum til umsagnar.

3. Drög að samningi milli Vegagerðarinnar og Sambands sveitarfélaga á Suðurnesjum vegna tilraunaverkefnis til að efla og þróa skipulag almenningssamgangna.
Samningurinn felur í sér að þeir fjármunir eru eyrnamerktir í tilraunaverkefni,  um að efla skilvirkt og samþætta grunnkerfi almenningssamganga fyrir allt suðvesturhorn landsins.  Gert er ráð fyrir því að þessi samningur sé viðbót við þann samning sem nú er í gildi við Vegagerðina.

Stjórn S.S.S. fagnar auknum framlögum til þessa málefnis og felur framkvæmdastjóra að undirrita samninginn fyrir hönd stjórnar.

a. Hugmyndir að bættri þjónustu í samvinnu við Strætó b.s.
Lagt fram til kynningar og rætt af stjórn.

4. Samningur um kaup á þjónustu Strætó b.s. vegna vinnu við útboð.
Um er að ræða samning vegna keyptar þjónustu af Strætó b.s. vegna vinnu við undirbúnings og gerð útboðs.  Stjórnin S.S.S. felur framkvæmdastjóra að undirrita samninginn fyrir hönd stjórnar.

5. Bréf dags. 07.12.2012 frá Mennta- og menningarmálaráðuneytinu, vegna skipunar í skólanefnd Fjölbrautaskóla Suðurnesja.
Lagt fram.  Afgreiðslu frestað til næsta fundar.

6. Bréf dags. 13.11.2012 frá Samvinnunefnd Svæðisskipulegs Suðurnesja, varðandi samþykkt á tillögu að Svæðisskipulagi Suðurnesja 2008-2024.
Lagt fram.

7. Bréf dags. 20.11.2012 frá Sveitarfélaginu Vogum vegna Náttúrustofu Reykjaness.
Lagt fram.

8. Bréf dags. 10.12.2012 frá Hjálmari Árnasyni f.h. Keilis.
Stjórn Samband sveitarfélaga á Suðurnesjum tekur jákvætt í erindið.  Formanni og framkvæmdastjóra falið að ræða við fulltrúa Keilis um nánari útfærslu.

9. Tölvupóstur dags. 07.12.2012 frá Sigríði Aðalsteinsdóttur f.h. Virkjunar.
Stjórn S.S.S. leggur áherslu á að ekki verður um frekari fjárframlög að ræða til Virkjunar vegna ársins 2013. 

Framkvæmdastjóra falið að ræða við bréfritara.

10. Bréf dags 08.11.2012 frá Ástu Sól Kristjánsdóttur f.h. Snorraverkefnisins.
Ekki er hægt að verða við erindinu.

11. Fundargerð Menningarráðs Suðurnesja nr. 29, dags. 21.11.2012.
Lögð fram.

12. Fundargerð Heklunnar nr. 22, dags. 30.11.2012.
Lögð fram.

13. Fundargerð D.S., dags. 30.10.2012.
Lögð fram.

14. Almenningssamgöngur – Staða mála.
Framkvæmdastjóri fór yfir stöðu útboðsmála.  Útboð í akstur leiðarinnar Flugstöð Leifs Eiríkssonar og Reykjavík verða opnuð 4. janúar 2013.  Jafnframt munu fulltrúar VSÓ koma á stjórnarfund 17. janúar og kynna útboðsgögn vegna næsta útboðs.

15. Önnur mál.
Stjórnin ræddi fyrsta vetrarfundinn sem haldinn verður 8. febrúar í Reykjanesbæ.  Ákveðið er að tileika fundinn málefnum fatlaðra.  Framkvæmdastjóra falið að vinna að undirbúningi dagskrár og leggja tillögur fyrir stjórn Sambands sveitarfélaga á Suðurnesjum á næsta stjórnarfundi.

Næsti stjórnarfundur verður haldinn fimmtudaginn 17. janúar , kl.17:00.  Ákveðið er að fast setja undirbúningsfund fyrir vetrarfundinn fimmtudaginn 7. febrúar. 

Vegna breytingar á stjórn S.S.S. samþykkir stjórn S.S.S. að Einar Jón Pálsson, fulltrúi Garðs taki við sem ritari.

Fleira var ekki gert og fundi slitið kl. 20:14.