Uppbyggingarsjóður Suðurnesja hefur það að markmiði að stuðla að jákvæðri samfélagsþróun á Suðurnesjum með því að treysta stoðir menningar og auka samkeppnishæfni svæðisins.
Sjóðurinn er byggður á samningi um Sóknaráætlun Suðurnesja fyrir árin 2015 – 2019, sem atvinnu- og nýsköpunarráðuneytið, mennta- og menningarmálaráðuneytið og Samband sveitarfélaga á Suðurnesjum hafa gert með sér og tekur við af Menningarsamningi Suðurnesja og Vaxtarsamningi Suðurnesja. Sjóðurinn styrkir menningar-, atvinnu- og nýsköpunarverkefni, og önnur verkefni sem falla að Sóknaráætlun Suðurnesja. Sjóðurinn auglýsir styrki til umsóknar ár hvert.

  • Ragnar Guðmundsson formaður
  • Fríða Stefánsdóttir
  • Margrét Soffía Björnsdóttir (Sossa)
  • Brynja Kristjánsdóttir
  • Jón Emil Halldórsson
  • Jóngeir Hlinason
  • Davíð Páll Viðarsson

Verkefnastjóri er Björk Guðjónsdóttir og auglýsir sjóðurinn eftir umsóknum einu sinni á ári.

Um sjóðinn
Regur sjóðsins
Úthlutanir

Markaðsstofa Reykjaness er samstarfsvettvangur sveitarfélaga og fyrirtækja á Reykjanesi við að markaðssetja Reykjanesið sem ákjósanlegan áfangastað fyrir ferðamenn. Helsta hlutverk markaðsstofunnar er að samræma markaðs- og kynningarmál ferðaþjónustu á Reykjanesi gagnvart innlendum og erlendum ferðamönnum.

Meðal verkefna sem markaðsstofan sinn er er að þróa og styrkja ímynd Reykjaness sem áhugaverðan áfangastað á Íslandi, vinna með upplýsingamiðstöðvum og gestastofum á svæðinu og samræma upplýsingar sem gefnar eru út. Markaðsstofan aðstoðar hagsmunaaðila við að samræma markaðsaðgerðir og viðburði innan svæðisins, tekur saman rannsóknir á ferðahegðun og markhópagreiningu og stuðlar að nýsköpun í ferðaþjónustunni á svæðinu ásamt því að veita aðstoð og ráðgjöf.

  • Kjartan Már Kjartansson formaður
  • Fannar Jónasson
  • Sigrún Árnadóttir
  • Magnús Stefánsson
  • Ásgeir Eiríksson
  • Guðjón Skúlason
  • Marta Jónsdóttir
  • Brynhildur Kristjánsdóttir

Náttúran á Reykjanesskaganum er stórbrotin með sínu mikla háhitasvæði með frussandi hverum og gufustrókum, hraunbreiðum og heimsþekktum fuglabjörgum.
Norður-Atlandshafshryggurinn rís úr sjó á Reykjanesi og þar er hægt að finna 100 mismunandi gíga, hella, hraunbreiður, kletta og svartar strendur.

Hvergi í heiminum má sjá flekaskilin ganga á land með jafn áþreifanlegum hætti og á Reykjanesi. Í Reykjanes Geopark er að finna margar merkilegar jarðminjar og eru sumar þeirra einstakar á heimsvísu. Þar er að finna allar ólíkar eldstöðvar m.a. fjögur gosbelti og samanstendur hvert þeirra af hundruðum opinna sprungna, gígaraðir, dyngjur og skjaldlaga bungur.

Reykjanesskaginn er í dag geopark og hluti af verndaráætlun Unesco eða Unesco Global Geopark.

Reykjanes Geopark nær yfir allt land sveitarfélaganna Grindavíkurbæjar, Reykjanesbæjar, Suðurnesjabæjar og Sveitarfélagsins Voga. Geopark er samstarfsvettvangur sem byggir á því að nýta sérstöðu svæðisins, þ.e. merkilega jarðfræðiarfleið og einstaka jarðsögu, til verðmætasköpunar.

Stjórn Reykjanes Geopark er skipuð sjö einstaklingum og sjö eru skipaðir til vara. Stjórnin er skipuð til eins árs í senn. Þau sveitarfélög sem ekki eiga fulltrúa í stjórn hafa rétt á að skipa áheyrnarfulltrúa með málfrelsi og tillögurétt.

Hér má sjá fundargerðir stjórnar

STJÓRN REYKJANES GEOPARK 2018-2019

  • Ásgeir Eríksson, formaður (f.h. Sveitarfélagsins Voga)
  • Magnús Stefánsson (f.h. Suðurnesjabæjar)
  • Sigurgestur Guðlaugsson (f.h. Reykjanesbæjar)
  • Fannar Jónasson, formaður (f.h. Grindavíkurbæjar)
  • Berglind Kristinsdóttir (f.h. Heklunnar – Atvinnuþróunarfélags Suðurnesja)
  • Kristín Vala Matthíasdóttir (f.h. HS Orku)
  • Árni Sigfússon (f.h. Bláa Lónsins)

Í varastjórn eiga sæti:

  • Kjartan Már Kjartansson (f.h. Reykjanesbæjar)
  • Jón Þórisson (f.h. Grindavíkurbæjar)
  • Bergur Álfþórsson (f.h. Sveitarfélagsins Voga)
  • Rakel Ósk Eckard (f.h. sameinaðs sveitarfélags Sandgerðisbæjar og Sveitarfélagsins Garðs)
  • Hanna María Kristjánsdóttir (f.h. Þekkingarseturs Suðurnesja)
  • Sindri Gíslason (f.h. Þekkingarseturs Suðurnesja)
  • Sigrún Elefsen (f.h. Ferðamálasamtaka Reykjaness)

Reykjanesskaginn er ungur hluti Íslands. Reykjanes Geopark er 829 km2. Hann er þurrlendishluti Mið- Atlantshafshryggjarnins, mjög eldvirkur eins og neðansjávarhlutinn. Út frá honum rekur tvær jarðskorpuplötur (-fleka) í gagnstæðar áttir, að meðaltali 2,0-2,5 cm á ári.

Á skaganum er að finna mörg móbergsfjöll og -fell frá jökulskeiðum á síðari hluta kvarteru ísaldarinnar, og enn fremur hraun og eldstöðvar af hlýskeiðum, einkum nútíma (sl. 11.500 ár).

Verkefnastjóri er Daníel Einarsson

Við styðjum bæði við ný sprotafyrirtæki sem og fyrirtæki í nýsköpun.

Stuðningur við frumkvöðla felst m.a. í leigu á aðstöðu í frumkvöðlasetrinu Eldey en einnig er boðið upp á ráðgjöf, fræðslu og námskeið.
Ráðgjafar Heklunnar veita aðstoð við gerð viðskiptaáætlana, markaðsáætlana og veita viðtöl og ráðgjöf til þess að fylgja nýsköpunarverkefnum eftir.

Boðið er upp á námskeið og fyrirlestra fyrir frumkvöðla.

Hægt er að panta viðtal hér.

Verkfærakista frumkvöðulsins

https://www.nmi.is/is/frumkvodlar/verkfaerakista-frumkvodulsins

Fjárfestakynningar

How To Create A Great Investor Pitch Deck For Startups Seeking Financing: https://www.forbes.com/sites/allbusiness/2017/03/04/how-to-create-a-great-investor-pitch-deck-for-startups-seeking-financing/#4ca34c782003

Linkar linkar með mjög góðum sýnidæmum(hægt að fletta glærunum):

30 Legendary Startup Pitch Decks And What You Can Learn From Them: https://piktochart.com/blog/startup-pitch-decks-what-you-can-learn/

35 Best Pitch Decks From 2017 That Investors Are Talking About: https://www.konsus.com/blog/35-best-pitch-deck-examples-2017/

Flott samantekt á lyftukynningu – Make your Pitch Perfect: The Elevator Pitch: https://www.youtube.com/watch?v=bZTWx2bftaw

Gott dæmi um stutta, hnitmiðaða kynningu: https://www.youtube.com/watch?v=i6O98o2FRHw

Lýsið hugmyndinni í 1-2 setningum, – fínt reyna að fylla inn í þetta: http://nmi.is/media/391514/leidarvisir-fyrir-frumkvodla_fillable-form.pdf

Markaðssetning

https://www.nmi.is/is/frumkvodlar/markadsmal

Frumlegar leiðir til að markaðssetja fyrirtæki

asdf

16. fundargerð Svæðisskipulags Suðurnesja

16. fundur Svæðisskipulagsnefndar Suðurnesja sem haldinn var fimmtudaginn 25. október 2018, kl. 16:00. Fundarstaður var skrifstofa Sambands sveitarfélaga á Suðurnesjum, Skógarbraut 945, 262 Reykjanesbær.

Mætt eru: Ólafur Þór Ólafsson, Sveinn Valdimarsson, Steinþór Einarsson, Gunnar K. Ottósson, Einar Jón Pálsson, Marta Sigurðardóttir, Guðmundur Pálsson, og Berglind Kristinsdóttir sem jafnframt ritaði fundargerð.
Áshildur Linnet, Kjartan Már Kjartansson, Ásgeir Eiríksson, Guðlaugur Sigurjónsson, Magnús Stefánsson, Guðmundur Björnsson og Fannar Jónasson boðuðu forföll.

Ólafur Þór Ólafsson formaður setti fundin og bauð fundarmenn velkomna.

Dagskrá:
1. Undirritun fundargerðar nr. 15 dags. 13.09.2018.
Fundargerð hafði verið send nefndarmönnum með rafrænum hætti fyrir fundinn. Var hún samþykkt samhljóða.

2. Breytingar á Svæðisskipulagi Suðurnesja. Stefán Gunnar Thors frá VSÓ mætir á fundinn undir þessum lið.

Stefán Gunnars Thors kynnti tillögur að breytingum á Svæðisskipulagi Suðurnesja. Snúa þær að breytingum á vatnsverndarsvæðum og á flugvallarsvæði Keflavíkurflugvallar.
Svæðisskipulagsnefnd Suðurnesja samþykkir að auglýsa og kynna vinnslutillöguna. Lagt er til að gefinn sé umsagnarfrestur til 1.desember 2018. Formanni nefndarinnar og ritara falið að vinna áfram að málinu.

3. Bréf frá Umhverfisstofnun dags. 17.09.2018 vegna lýsingu á breytingu á Svæðisskipulagi Suðurnesja 2008-2024.

Lagt fram.

4. Endurskoðun á Svæðisskipulagi Suðurnesja. Mál frá síðasta fundi nefndarinnar.

Frá staðfestingu Svæðisskipulags Suðurnesja 2008-2024 hafa orðið margvíslegar breytingar á mikilvægum forsendum sem snúa að Suðurnesjum. Vegna þessara breytinga telur Svæðisskipulagsnefndin mikilvægt að endurskoða stefnu svæðisskipulagsins. Þessar breytingar eru m.a.:
• Mikil fjölgun hefur orðið á íbúum á Suðurnesjum, sem hefur m.a. áhrif á þróun byggðarkjarna, aldursdreifingu og búsetuþróun.

• Mikil uppbygging ferðaþjónustu hefur áhrif á landnýtingu, sem mikilvægt er að líta til. Samhliða því hafa sveitarfélögin unnið saman að Reykjanesi jarðvangi. Með uppbyggingu ferðaþjónustu og breytingar á hlutdeild atvinnugreina á svæðinu er rétt að endurmeta stefnu sveitarfélaga um umfang og eðli sameiginlegra atvinnusvæða

• Umsvif Keflavíkurflugvallar, sem hefur vaxið geysilega á undanförnum árum og hefur margvísleg áhrif á efnahagslega og samfélagslega þróun svæðisins.

• Undirbúningur er hafinn að afmörkun framtíðarvatnsbóls Suðurnesja, sem er mikilvægt að komi fram í svæðisskipulagi Suðurnesja.

• Landsskipulagsstefna 2015-2026 hefur tekið gildi, sem mikilvægt er að lít til við framtíðarstefnu Suðurnesja.

• Sameining Sveitarfélagsins Garðs og Sandgerðisbæjar.

Svæðisskipulagsnefndin leggur því til í samræmi við 26. gr. skipulagslaga nr. 123/2010 og 3.9.1 gr. í skipulagsreglugerð nr. 90/2013 að hafinn verði undirbúningur að endurskoðun á Svæðisskipulagi Suðurnesja.

5. Tilnefning í samráðshóp vegna nýs vatnsbóls á veitu svæði HS Orku. Tölvupóstur dags. 01.10.2018 frá HS Orku.

HS Orka tilnefnir Ásbjörn Blöndal sem aðalmann og Kristínu Völu Matthíasdóttur til vara í samráðshópinn. Svæðisskipulagsnefndin leggur áherslu á að sviðstjórar skipulagssviða hlutaðeigandi sveitarfélag taki þátt í fundum samráðshópsins.

6. Tilnefning í verkefnaráð vegna Suðurnesjalínu.

Svæðisskipulag Suðurnesja tilnefnir Magnús Stefánsson sem aðalmann og Berglind Kristinsdóttir til vara í verkefnaráð Landsnets vegna Suðurnesjalínu.

7. Önnur mál.

Sveinn Valdimarsson kynnti tillögu að skipulagsreglum Keflavíkurflugvallar, m.a. með tilliti til hindrunarsvæða vegna hæðartakmarka og notkunar á lasergeislum. Samgöngu- og sveitarstjórnarráðuneytið hefur nú þegar sent tillögurnar til sveitarfélaga á Suðurnesjum til umsagnar.

Ekki er fleira tekið fyrir og fundi slitið kl. 17:20.