Samfélagsgreining á Suðurnesjum - SSS
#

Fréttir

SSS

Samfélagsgreining á Suðurnesjum

Prenta

Ákveðið hefur verið að að vinna samfélagsgreiningu á Suðurnesjum þar sem skoðuð verða áhrif fólksfjölgunar á vaxtarsvæði.

Hagstofa Íslands mun vinna greininguna samkvæmt samningi við sveitarfélög á Suðurnesjum og Samband sveitarfélaga á Suðurnesjum og er verkefnið liður í aðgerðaáætlun um eflingu þjónustu ríkisins á Suðurnesjum.

Kjartan Már Kjartansson bæjarstjóri Reykjanesbæjar og Ólafur Hjálmarsson hagstofustjóri skrifuðu undir samningin en samfélagsgreiningin mun gera alla stefnumótun fyrir svæðið skilvirkari, markvissari og heildstæðari þar sem skilningur á samfélagsþróun Suðurnesja verður aukinn. Upplýsingarnar gefa jafnframt tækifæri til þess að skoða áhrif og meta afleiðingar íbúaþróunar á svæðinu á samfélagið í heild.

Unnin verður greining samfélagsþróun á Suðurnesjum sl. 10 ár og verður hún gerð einu sinni á ári frá 2020 til 2024, samtals fimm sinnum. Greiningin snýr að víðtækri íbúagreiningu út frá uppruna, fjölskyldugerð og stærð, tekjutegundum, menntunarstöðu og búsetutíma á svæðinu. Allar breytur verða greindar út aldri, kyni, ríkisfangi og uppruna.

Gerð verður greining fyrir Suðurnesin í heild, þ.e. fyrir sveitarfélögin Reykjanesbæ, Suðurnesjabæ, Voga og Grindavík saman og hins vegar fyrir hvert sveitarfélag sérstaklega, þar sem því verður við komið.

Gert er ráð fyrir fyrstu gögnum strax í byrjun desember og sem mun nýtast við frekari stefnumótun fyrir svæðið og styðja við uppbyggingu á svæðinu.