Umsóknir í Byggðarannsóknasjóð
Opnað hefur verið fyrir umsóknir í Byggðarannsóknasjóð fyrir árið 2025 og er umsóknarfrestur til hádegis 3. mars.
Styrkir úr Byggðarannsóknasjóði eru veittir til rannsókna á sviði byggðamála. Í umsókn þarf að koma fram greinargóð lýsing á rannsókn, markmiði, ávinningi, nýnæmi og hvernig hún styður við tilgang sjóðsins.
Byggðarannsóknasjóður hefur allt að 17,5 m.kr. til úthlutunar. Styrkir verða veittir til eins árs.
Í umsóknum skal koma fram greinargóð lýsing á rannsókn, markmiðum, ávinningi, nýnæmi og hvernig rannsóknin styður við tilgang sjóðsins. Gera þarf grein fyrir tengslum rannsóknar við byggðaþróun og eftir atvikum hvernig rannsókn fellur að áherslum byggðaáætlunar 2022-2036.
Eftirfarandi þættir hafa vægi við mat á umsóknum:
- Hvernig verkefnið styður við tilgang sjóðsins og tengist byggðaþróun.
- Vísindalegt og hagnýtt gildi verkefnis.
- Nýnæmi verkefnis.
- Gæði umsóknar (skýr markmið, vönduð rannsóknaráætlun og hnitmiðaður texti).
Umsækjendur geta verið einstaklingar, fyrirtæki, rannsókna-, þróunar- og háskólastofnanir eða aðrir lögaðilar.