Fyrir Grindavík
Hér eru upplýsingar um viðbragð og aðstoð til íbúa og fyrirtækja í Grindavík vegna jarðhræringa og eldgosavá á Reykjanesi.
Samband sveitarfélaga á Suðurnesjum hefur frestað umsóknarfresti í Uppbyggingarsjóð Suðurnesja fram til áramóta.
Starfsmenn Heklunnar, atvinnuþróunarfélags Suðurnesja verða með viðveru í Þjónustumiðstöð Grindvíkinga í Tollhúsinu til að aðstoða fyrirtæki.
Markaðsstofa Reykjaness veitir fyrirtækjum ráðgjöf í markaðs- og kynningarmálum.
Helstu upplýsingar
Hér er þjónustusíða fyrir Grindvíkinga þar sem hægt er að nálgast upplýsingar um helstu þjónustu s.s. húsnæðismál, skólamál, launamál og þjónustumiðstöð.
Allar upplýsingar á einum stað á síðu Almannavarna og lögreglu
Þjónustumiðstöð fyrir Grindvíkinga er opin á virkum dögum frá kl. 10 – 18
Verkefni þjónustumiðstöðvar felast í stuðningi við íbúa Grindavíkurbæjar og aðra sem á einhvern hátt hafa orðið fyrir áhrifum jarðhræringanna á Reykjanesi. Þar er boðið upp á samveru og kaffitár og leikhorn fyrir börn. Rauði krossinn býður upp á sálfélagslegan stuðning og félagsleg ráðgjöf verður í boði á vegum starfsfólks Grindavíkurbæjar. Boðið verður upp á upplýsingagjöf, fræðslu og ráðgjöf af ýmsu tagi og mun sá stuðningur verða útfærður í samræmi við þarfir og óskir íbúa Grindavíkurbæjar.
Ráðgjafar Heklunnar, atvinnuþróunarfélags Suðurnesja verða með viðveru á staðnum og veita aðstoð til fyrirtækja.
Hægt er að hafa samband í síma 855 2787 og í netfangið fyrirspurnir@almannavarnir.is.
Fjölskyldur og einstaklingar sem geta ekki dvalið í því húsnæði sem þau eru nú þegar í skrá sig hér.
Aðeins einn úr hverju heimili þarf að sækja um.
Hvenær á ekki að skrá þörf fyrir skammtíma húsnæði?
- Þær fjölskyldur og einstaklingar sem mögulega geta dvalið fram í miðjan janúar í því húsnæði sem þau hafa nú eiga ekki að skrá sig hér.
Hvenær á að skrá þörf fyrir skammtíma húsnæði?
- Þær fjölskyldur og einstaklingar sem geta ekki dvalið í því húsnæði sem þau eru nú þegar í skrá sig hér.
- Haft verður samband við þau sem skrá sig eins fljótt og hægt er en það gæti tekið nokkra daga.
Athugið að lítið sem ekkert framboð er á húsnæði á höfuðborgarsvæðinu og Suðurnesjum.
Þessa stundina er mest framboð af húsnæði í sumarhúsabyggð svo sem húsnæði stéttarfélaga.
Fyrirtæki sem eru með starfsemi í Grindavík og þurfa aðstoð við að finna húsnæði/aðstöðu geta skráð sig hér.
Skráning fyrir þá sem þurfa að komast inn í Grindavík.