Stofnun Fab Lab á Suðurnesjum
Sjá nánar
Uppbyggingarsjóður
Uppbyggingarsjóður Suðurnesja er samkeppnissjóður sem styður við menningar-, atvinnuþróunar- og nýsköpunarverkefni sem falla að markmiðum og áherslum Sóknaráætlunar Suðurnesja.
Auglýst er eftir umsóknum einu sinni á ári að hausti. Veittir eru verkefnastyrkir á sviði menningar, atvinnuþróunar og nýsköpunar, auk stofn- og rekstrarstyrkja á sviði menningar. Umsóknir eru metnar út frá markmiðum og áherslum Sóknaráætlunar Suðurnesja og reglum sjóðsins.
Opið fyrir umsóknir um styrki fyrir árið 2027
Opið er fyrir umsóknir um styrki úr Uppbyggingarsjóði Suðurnesja fyrir árið 2027.
Umsóknarfrestur er til 21. október 2026.
Lögráða einstaklingar, félagasamtök, fyrirtæki, stofnanir og sveitarfélög á Suðurnesjum geta sótt um styrki úr Uppbyggingarsjóði Suðurnesja.
Umsækjendur um stofn- og rekstrarstyrki á sviði menningar skulu vera lögaðilar á sviði menningarmála.
Stofnanir, opinber hlutafélög og samtök í meirihlutaeigu ríkis eða sveitarfélaga skulu að jafnaði ekki vera leiðandi aðilar í verkefnum sem sjóðurinn styrkir.
Uppbyggingarsjóður Suðurnesja styrkir verkefni sem falla að markmiðum og áherslum Sóknaráætlunar Suðurnesja og efla menningu, atvinnuþróun og nýsköpun á svæðinu.
Veittir eru styrkir í eftirfarandi þremur flokkum:
- Verkefnastyrkir á sviði atvinnuþróunar og nýsköpunar
- Verkefnastyrkir á sviði menningar
- Stofn- og rekstrarstyrkir á sviði menningar
Umsækjendur eru hvattir til að kynna sér úthlutunarreglur sjóðsins og markmið og áherslur Sóknaráætlunar Suðurnesja 2025–2029 áður en umsókn er unnin.
Uppbyggingarsjóður styrkir að jafnaði ekki meira en 50% af styrkhæfum heildarkostnaði verkefnis. Mótframlag umsækjenda getur verið í formi fjármagns eða vinnuframlags og þarf að gera grein fyrir því í umsókn.
Sótt er um styrki í gegnum umsóknakerfi Rannís. Skráðu þig inn með rafrænum skilríkjum og veldu Uppbyggingarsjóð Suðurnesja.
Framvindu- og lokaskýrslur
Verkefni sem hlutu styrk árið 2026 og síðar
Framvindu- og lokaskýrslum er skilað í gegnum umsóknakerfi Rannís. Notaðu sömu rafrænu skilríki og við umsókn. Verkefnið er að finna undir „Mínar umsóknir“.
Eldri verkefni og aukaúthlutun 2026
Fyrir verkefni sem hlutu styrk áður en umsýsla færðist til Rannís, auk verkefna sem hlutu styrk úr aukaúthlutun 2026, skal skila framvindu- og lokaskýrslum á hefðbundnu eyðublaði.
Hér má nálgast word útgáfu af umsókninni
Sækja um
Hér má sjá kynningarmyndbönd þar sem fjallað er um þau verkefni sem hlotið hafa styrk úr sjóðnum.
Fréttir um Uppbyggingarsjóð