804. fundur stjórnar

Árið 2024, er fundur haldinn í stjórn Sambands sveitarfélaga á Suðurnesjum miðvikudaginn 11. september, kl. 8:00 í fundarsal Sambands sveitarfélaga á Suðurnesjum, Skógarbraut 945, 262 Reykjanesbæ.

Mætt eru: Björn G. Sæbjörnsson, Guðný Birna Guðmundsdóttir, Jónína Magnúsdóttir, Sverrir Auðunsson og Berglind Kristinsdóttir sem jafnframt ritaði fundargerð.

Sverrir Auðunsson formaður stjórnar setti fund og bauð fundarmenn velkomna á fundinn.

Dagskrá:

1. Fjárhagsáætlun SSS -2025.
   Stjórn S.S.S. samþykkir fjárhagsáætlun 2025 og felur framkvæmastjóra að senda hana áfram til aðildarsveitarfélaga.
2. Aðalfundur S.S.S. 2024.
   Framkvæmdastjóra falið að uppfæra dagskrá í samræmi við umræður stjórnar.
3. Drög að endurnýjun samnings um Sóknaráætlun Suðurnesja.
   Lagt fram til kynningar.
4. Drög að viðaukasamningi um Sóknaráætlun Suðurnesja vegna farsældar barna.
   Stjórn S.S.S. samþykktir samninginn fyrir sitt leyti og felur framkvæmdastjóra að auglýsa starfið.
5. Minnisblað verkefnastjóra menningarmála.
   Lagt fram til kynningar.
6. Tölvupóstur frá Sambandi íslenskra sveitarfélaga dags. 05.09.2024, vegna starfshóps sem vinnur tillögur til ráðherra að fyrirkomulagi almenningssamgangna á Íslandi.
   Innviðaráðherra óskaði eftir tilnefningu frá Sambandi íslenskra sveitarfélaga í starfshóp sem hefur það hlutverk að vinna tillögur til ráðherra að fyrirkomulagi almenningssamgangna á Íslandi. Starfshópurinn skal skila tillögum fyrir 13. nóvember 2024 en skipað er til og með 30. nóvember 2024.
   Starfshópurinn starfar á grunni þeirrar vinnu sem fulltrúar starfshópsins um sama efni, skipaður 21. september, hefur þegar unnið. Óskað er eftir því að sömu fulltrúar yrðu tilnefndir að nýju, ef mögulegt er.

Samband íslenskra sveitarfélaga tilnefnir þær Berglindi Kristinsdóttur framkvæmdastjóra Sambands sveitarfélaga á Suðurnesjum og Albertínu Friðbjörgu Elíasdóttur framkvæmdastjóra Samtaka sveitarfélaga og atvinnuþróunar á Norðurlandi eystra.

7. Önnur mál.
   Undirritun ársreiknings Markaðsstofu Reykjaness 2023.
   Kristján Ragnarsson endurskoðandi Deloitte fór yfir ársreikninginn. Helstu niðurstöður hans eru
   Rekstartekjur félagsins námu kr.51.454.551,-
   Tap félagsins var kr. 1.390.151
   Fjöldi ársverka nam 3 stöðugildum
   Eignir félagsins námu kr. 20.441.592,-
   Bókfært eigið fé nam kr. 2.517.845,-
   Eignfjárhlutfall félagsins nam 12,3%

Stjórn staðfestir ársreikning Markaðsstofu Reykjaness með undirritun sinni.

Fleira ekki gert og fundi slitið kl. 9:15.

Björn G. Sæbjörnsson Jónína Magnúsdóttir Guðný Birna Guðmundsdóttir

Sverrir Auðunsson Berglind Kristinsdóttir