821. fundur stjórnar Sambands sveitarfélaga á Suðurnesjum

Árið 2026, er fundur haldinn í stjórn Sambands sveitarfélaga á Suðurnesjum miðvikudaginn 11. mars, kl. 8:00 í fundarsal Sambands sveitarfélaga á Suðurnesjum, Skógarbraut 945, 262 Reykjanesbæ.

Mætt eru: Jónína Magnúsdóttir, Björn Sæbjörnsson, Ásrún Kristinsdóttir, Halldóra Fríða Þorvaldsdóttir (sat fundinn í gegnum fjarfundarkerfi) og Berglind Kristinsdóttir sem jafnframt ritaði fundargerð.

Jónína Magnúsdóttir formaður setti fund og bauð fundarmenn velkomna á fundinn.

Dagskrá:

1. Farsæld barna – staða verkefnis. Áb. Hjördís Eva Þórðardóttir verkefnastjóri.
   Verkefnastjóri fór vel yfir stöðu verkefnisins og kynnti jafnframt fyrir stjórn greiningarvinnu sem er langt komin.
   Stjórn þakka Hjördísi fyrir afar áhugaverða kynningu.
2. Drög að ársreikningi S.S.S. 2025 – Kristján Ragnarsson endurskoðandi Deloitte.
   Ekki náðist að klára drögin fyrir fundinn. Málinu frestað til næsta fundar.
3. Atvinnuþróunarrammi – staða verkefnis. Áb. Berglind Kristinsdóttir.
   Framkvæmdastjóri sagði frá stöðu verkefnis en aðilar frá sveitarfélögunum og Kadeco hittust í síðustu viku til að fara yfir stöðuna. Fundarfólk var sammála um mikilvægi þess að hittast reglulega til að fara yfir atvinnumál á svæðinu. Framkvæmdastjóri mun boða til næsta fundar þegar allir hafa sent inn umsagir/ábendingar um atvinnurammann. Stefnt er að því að fara yfir verkefnastöðu í hverju sveitarfélagi.
4. Samstarfsverkefni.
   a. Umsókn í Lóu nýsköpunarsjóð.
   b. Samstarfssamningur við Rannsóknarmiðstöð ferðamála.
   Framkvæmdastjóri fylgdi málinu eftir en viðkomandi aðilar settu sig í samband við S.S.S. og óskuðu eftir þátttöku í umsókn um verkefnastyrki.
5. Vorfundur – drög að dagskrá.
   • Atvinnuleysi, atvinnutekjur og þjónustusvæði
   • Kynning frá Kölku
   • Farsæld barna á Suðurnesjum
   • Kynning frá verkefnastjóra almannavarnarnefndar
   • Endurreisn Grindavíkur
6. Eigendaskipti á afskrifuðum vettvangsbíl.
   Gamli vettvangsbíll Almannavarna Suðurnesja utan Grindavíkur er skráður á kennitölu S.S.S. þar sem Almannavarnir Suðurnesja utan Grindavíkur er ekki lögaðili. Bifreiðin er kominn á aldur og verður afskráð. Lögregluminjasafnið hefur óskað eftir því að fá hana til varðveislu.
   Stjórn S.S.S. samþykkir þessa tilhögun samhljóða og felur verkefnastjóra Almannavarna að fylgja málinu eftir.
7. Önnur mál.
   Samband sveitarfélaga á Suðurnesjum sótti um verkefnistyrki í Byggðaáætlun, C-1. Samþykktir voru tveir styrkir. Eldfjallaleiðin hlaut styrk upp á 4,5 m.kr og Grindavík – saman í sókn var styrkt um 16,5 m.kr.

Stefnt er að því að slíta Keili á næsta aðalfundi félagsins en starfsemin verður færð undir hatt Háskóla Íslands. Stjórn S.S.S. fagnar því að starfsemi Keilis lifi áfram og einnig að störfin sem fylgja kennslunni haldist áfram á Suðurnesjum.

Fleira ekki gert og fundi slitið kl. 9:35.

Halldóra Fríða Þorvaldsdóttir Jónína Magnúsdóttir

Ásrún Kristinsdóttir Björn Sæbjörnsson

Berglind Kristinsdóttir