648. fundur SSS, 1. nóvember 2012
Árið 2012, er fundur haldinn í stjórn Sambands sveitarfélaga á Suðurnesjum fimmtudaginn 1. nóvember kl. 17.00 á skrifstofu S.S.S., Skógarbraut 945, Reykjanesbæ.
Mætt eru: Gunnar Þórarinsson, Sigursveinn Bj. Jónsson, Bryndís Gunnlaugsdóttir, Jónína Holm, Inga Sigrún Atladóttir og Berglind Kristinsdóttir sem jafnframt ritaði fundargerð.
Dagskrá:
1. Stjórnin skipti með sér verkum.
Formaður: Gunnar Þórarinsson, Reykjanesbær.
Varaformaður: Inga Sigrún Atladóttir, Sveitarfélagið Vogar.
Ritari: Jónína Holm, Sveitarfélagið Garður.
Meðstjórnendur: Ólafur Þór Ólafsson, Sandgerði og Bryndís Gunnlaugsdóttir, Grindavík.
2. Kynning frá Línudans – Eyþór Þórhallsson og Ingibjörg Valdimarsdóttir.
Fulltrúar fyrirtækisins kynntu nýja gerð af línustæðum fyrir stjórn Sambands sveitarfélaga á Suðurnesjum.
3. Útboð á almenningssamgöngum – Þorbergur Karlsson frá VSÓ.
Þorbergur kynnti fyrir stjórn þá vinnu sem fram hefur farið í tengslum við útboð á almenningssamgöngum á Suðurnesjum. Stjórn S.S.S. samþykkti samhljóða að velja leið B. VSÓ falið að vinna útboðsgögnin áfram og leggja fyrir stjórn á næsta stjórnarfundi sem haldinn verður 15. nóvember 2012.
Jafnframt er óskað eftir að lagðar verði fram tillögur að tímasetningum vegna útboðs á akstri á öðrum leiðum.
4. Aðalfundur S.S.S. – Ályktanir og tillögur.
a) Ályktun um úthlutun opinberra fjármuna.
b) Ályktun um atvinnu- og samgöngumál.
Stjórnin leggur til að ályktanir aðalfundar Sambands sveitarfélaga á Suðurnesjum verði sendar öllum ráðherrum og þingmönnum kjördæmisins.
Stjórn S.S.S. felur framkvæmdastjóra að óska eftir fundi með formanni fjárlaganefndar.
5. Minnisblað frá Sambandi íslenskra sveitarfélaga v. Vinnufundar með velferðaráðherra.
Lagt fram.
6. Bréf dags. 22.10.2012 frá Sigríði Aðalsteinsdóttur f.h. Virkjunar, beiðni um styrk vegna rekstur Virkjunar starfsárið 2013.
Erindinu vísað til fjárhagsnefndar S.S.S.
7. Bréf dags. 10.10.2012 frá Páli Guðjónssyni f.h. SSH, beiðni um tilnefningu í ráðgjafaráð vegna sóknaráætlunar höfuðborgarsvæðisins.
Stjórn S.S.S. samþykkir að tilnefna þau Árna Sigfússon (Reykjanesbæ) og Bryndísi Gunnlaugsdóttur (Grindavík) í ráðgjafaráðið fyrir hönd Sambands sveitarfélaga á Suðurnesjum.
8. Tölvupóstur dags. 16.10.2012 frá Kristjáni Pálssyni f.h. Ferðamálasamtaka Suðurnesja, ósk um tilnefningu í stjórn.
Stjórn S.S.S. samþykkir að tilnefna Ernu M. Sveinbjarnardóttur sem fulltrúa S.S.S. í stjórn Ferðamálasamtaka Suðurnesja.
9. Bréf dags. 24.09.2012 frá Skipulagsstofnun vegna tillögu að landsskipulagsstefnu 2013-2024, ósk um umsögn.
Lagt fram.
10. Tölvupóstur dags. 26.10.2012 frá nefndarsviði Alþingis vegna umsagnar um frumvarp til laga um félagslega aðstoð. 36 mál. Þingskjal er hægt að sækja á vef Alþingis: http://www.althingi.is/altext/141/s/0036.html
Lagt fram.
11. Tölvupóstur dags. 19.10.2012 frá nefndarsviði Alþingis vegna umsagnar um framvarp til laga um virðisaukaskatt (endurgreiðsla skatts vegna kaupa á varmatækjum), 60. Mál. Þingskjal er hægt að sækja á vef Alþingis: http://www.althingi.is/altext/141/s/0060.html
Lagt fram.
12. Tölvupóstur dags. 15.10.2012 frá nefndarsviði Alþingis vegna umsagnar um frumvarp til laga um breytingu á lögreglulögum, 173. Mál. Þingskjal er hægt að sækja á vef Alþingis: http://www.althingi.is./altext/141/s/0174.html
Lagt fram.
13. Tölvupóstur dags. 15.1.02012 frá nefndarsviði Alþingis vegna umsagnar um frumvarp til laga um framkvæmdavald og stjórnsýslu ríkisins í héraði, 161. Mál. Þingskjal er hægt að sækja á vef Alþingis: http://www.althingi.is/altext/0141/s/0161.html
Lagt fram.
14. Fundargerð D.S., dags. 03.10.2012.
Fulltrúi Sveitarfélagsins Garðs í S.S.S. vill að fram komi að bæjarstjórn Garðs undrast mjög að bæjarstjórn Reykjanesbæjar skuli ákveða einhliða að gera tillögu þess efnis að leggja Garðvang niður. D.S. er samstarfsverkefni fjögurra sveitarfélaga og eðlilegast væri að þau ræddu saman um svo veigamikla ákvörðun sem og stefnumarkandi breytingar.
15. Fundargerð Þjónusturáðs Suðurnesja um þjónustu við fatlaða nr. 24, dags. 01.10.2012.
Stjórn S.S.S. óskar eftir því að fulltrúar þjónusturáðs um þjónustu við fatlaða komi á stjórnarfund S.S.S. til að ræða 5.lið fundargerðarinnar.
16. Fundargerð Menningarráðs Suðurnesja nr. 28., dags. 11.10.2012.
Lagt fram.
17. Fundargerð Þjónustuhóps aldraðra nr. 81, dags. 03.10.2012.
Lagt fram.
18. Fundargerð skólanefndar F.S nr. 316, dags. 10.10.2012.
Lagt fram.
19. Önnur mál.
Næsti fundur EFTA sveitarstjórnarvettvangsins verður haldinn í Brussel daganna 26.-27.nóvember. S.S.S. er með aðalmann í stjórn að þessu sinni. Samþykkt að formaður sæki fundinn.
Fleira ekki gert og fundi slitið kl.18:35.