394. fundur SSS 13. desember 1995

 Árið 1995 er haldinn fundur í stjórn S.S.S. miðvikudaginn 13. desember að Vesturbraut 10a.

Mætt eru: Óskar Gunnarsson, Sigurður Jónsson, Drífa Sigfúsdóttir, Hallgrímur Bogason, Jón Gunnarsson og Guðjón Guðmundsson fram-kvæmdastjóri.  Einnig mættur Sigurður Valur Ásbjarnarson fulltrúi í viðræðunefnd um D-álmu.

Dagskrá:

1. Málefni D-álmu.
Vísað til fundar stjórnar S.S.S. (nr. 393) frá 12/12 1995.
Í framhaldi af umræðum um minnisblað sem farið hefur á milli aðila var viðræðuhópurinn kallaður til fundar við ráðuneytisstjóra heilbrigðisráðuneytis og fjármálaráðuneytis.  Niðurstaða þess fundar var minnisblað dags. 12/12 1995 sem nú er lagt fyrir stjórn S.S.S.
Minnisblaðið gengur út á að aðilar eru sammála um að fresta byrjun framkvæmda við D-álmu um tvö ár, en byggt verður eftir núverandi teikningum.
Nýr (endurskoðaður) samningur gengur lengra í framkvæmdum en gildandi samningur þ.e. að hann nær einnig til annars áfanga þ.e. innréttinga 1. hæðar og kjallara.  Einnig eru aðilar sammála um að fram fari sérstök athugun á rekstrarfjárveitingum vegna S.H.S. og H.S.S. sem ljúki eigi eigi síðar en 1. okt. 1996.
Jafnframt liggur fyrir loforð um stöðu heilsugæslulæknis til viðbótar á árinu 1996 við H.S.S.

Stjórn S.S.S. mælir með að sveitarstjórnirnar samþykki að endurskoða samning dags. 3/4 1995 um byggingu D-álmu við S.H.S. á grundvelli fyrirliggjandi minnisblaðs dags. 12/12 1995.  Ef sveitarstjórnirnar fallast á endurskoðun samningsins óskar stjórn S.S.S. eftir umboði til þeirrar endurskoðunar.
Drög að breyttum samningi verða þá lögð fyrir sveitarstjórnirnar.  Ákveðið að halda samráðsfund sveitarstjórna fimmtudaginn 14/12 1995 kl. 20.30 á Flug hóteli um málið.

Fleira ekki gert og fundi slitið.