543. fundur SSS 22. apríl 2005
Árið 2005, er fundur haldinn í stjórn Sambands sveitarfélaga á Suðurnesjum föstudaginn 22. apríl kl. 08.00 á Fitjum
Mætt eru: Böðvar Jónsson, Hörður Guðbrandsson, Sigurður Jónsson, Óskar Gunnarsson, Jón Gunnarsson og Guðjón Guðmundsson framkv.stj.
Dagskrá:
1. Fundargerðir Starfskjaranefndar STFS og SSS frá 6/4 og 18/4 ´05. Samþykktar.
2. Fundargerðir Samgöngunefndar frá 10/2, 23/2 og 9/3 ´05. Lagðar fram.
3. Fundargerðir Atvinnuþróunarráðs Suðurnesja frá 1/2, 9/3 og 14/4 ´05. Samþykkt.
4. Bréf dags. 25/1 ´05 frá Charente-Maritime. Lagt fram
5. Bréf dags. 6/4 ´05 frá Charente-Maritime. Samningur um framlengingu á samstarfi. Stjórnin staðfestir framlengingu samningsins og SSS gerir ekki athugasemd við að Reykjavíkurborg komi inn í samstarfið.
6. Bréf dags. 6/4 ´05 frá SSA. Um aðalfund SSA. Lagt fram.
7. Bréf dags. 15/3 ´05 frá Eyþingi. Um aðalfund Eyþings. Lagt fram.
8. Bréf dags. 3/2 ´05 frá Sambandi ísl. sveitarfélaga. Um staðardagskrá. Lagt fram.
9. Bréf dags. 7/3 ´05 frá Sambandi ísl. sveitarfélaga. Þar er staðfest afturköllun samningsumboðs við Félag ísl. hjúkrunarfræðinga, Sjúkraliðafélags Íslands og Þroskaþjálfafélags Íslands varðandi starfsfólk DS.
10. Bréf dags. 15/3 ´05 frá Sambandi ísl. sveitarfélaga. Kynning á ráðstefnu. Lagt fram.
11. Bréf dags. 7/4 ´05 frá Sýslumanninum í Keflavík þar sem óskað er umsagnar um leyfi fyrir æfingarsvæði fyrir akstursíþróttir við Kleifarvatn. Grindavíkurbær hefur þegar afgreitt erindið og fallist á bráðabirgðaleyfi en lagst gegn varanlegu leyfi. Stjórn SSS tekur undir afgreiðslu Grindavíkurbæjar.
12. Sveitarfélög á Suðurnesjum: Mótun stefnu í atvinnumálum. Lögð fram skýrsla til kynningar og samþykkt að senda hana til sveitarfélaganna til upplýsinga. Skýrslan verður kynnt á aðalfundi SSS.
13. Bréf dags. 6/4 05 frá menntamálanefnd Alþingis ásamt tillögu til þingsályktunar um staðbundna fjölmiðla, 234. mál. Stjórnin tekur ekki afstöðu til tillögunnar.
14. Bréf dags. 7/4 ´05 frá samgöngunefnd Alþingis ásamt tillögu til þingsályktunar um ferðamál, 678. mál, heildartillaga 2006-2015. Stjórnin tekur ekki afstöðu til tillögunnar.
15. Bréf dags. 7/4 ´05 frá sjávarútvegsnefnd Alþingis ásamt frumvarpi til laga um uppboðsmarkaði sjávarafla, 677. mál, heildarlög. Stjórnin tekur ekki afstöðu til frumvarpsins.
16. Bréf dags. 18/4 ´05 frá landbúnaðarnefnd Alþingis ásamt frumvarpi til laga um Landbúnaðarstofnun, 700 mál, og frumvarp til laga um breyt. á ýmsum lögum við stofnun Landbúnaðarstofnunar, 701. mál. Stjórnin tekur ekki afstöðu til frumvarpsins.
17. Staða refa og minnkaveiða á Suðurnesjum. Málinu frestað frá 541. fundi. Kynnt voru drög að bókun. Stjórnin felur framkvæmdastjóra að útfæra tillöguna í samræmi við umræður á fundinum og senda til stjórnar Sambands ísl. sveitarfélaga.
18. Bréf dags. 22/9 ´04 frá Björgunarsveit Suðurnes, þar sem óskað er eftir stuðningi vegna hönnunar fyrirhugaðs útivistar-og æfingasvæðis fyrir ofan Björgunarsveitarhús B.S. að Holtsgötu 51 í Reykjanesbæ. Stjórn SSS getur ekki orðið við erindinu.
19. Hugsanlegur samningur um menningarmál. Stjórn SSS leggur áherslu á að sem fyrst verði hafnar viðræður við menntamálaráðuneytið um samning um menningarmál.
20. Sameiginleg mál. Erindi frá samgöngunefndar Alþingis þar sem óskað er eftir um sögn um tillögu til þingsályktunar um samgönguáætlunar fyrir árin 2005-2008. Ákveðið að fela Böðvari og Herði að setja saman umsögn í samræmi við umræður á fundinum.
Utanríkisráðuneytið (varnarmálaskrifstofa) mun halda málþing um skipulags-, byggingar- og umhverfismál þann 20. maí n.k og óskar eftir að SSS tilnefni einn frummælanda.
Fleira ekki gert og fundi slitið kl. 10.00