fb_pixel
Skip to content Skip to main navigation Skip to footer

553. fundur SSS 20. febrúar 2006

 Árið 2006, er fundur haldinn í stjórn Sambands sveitarfélga á Suðurnesjum mánudaginn 20. febrúar kl. 08.00.

Mætt eru:  Jón Gunnarsson, Böðvar Jónsson, Sigurður Jónsson, Hörður Guðbrandsson, Óskar Gunnarsson, Guðjón Guðmundsson framkv.stj. og Jóhanna M. Einarsdóttir ritari.

Dagskrá:

1. Fundargerð Samgöngunefndar frá 1/2 ´06.  Lögð fram og samþykkt.

2. Fundargerðir Atvinnuþróunarráðs SSS frá 6/7, 28/11 ´05 og 2/2 ´06. Lagðar fram og samþykktar.

3. Bréf (afrit) dags. 12/1 ´06 frá Sveitarfélaginu Garði ásamt ályktun um framtíðarhúsnæði BS. Lagt fram.

4. Bréf ódags. frá Birni Hróarssyni, varðandi styrk til vinnslu og útgáfu bókar um hraunhella á Íslandi.  Stjórnin getur ekki orðið við erindinu.

5. Málefni Dýraspítalans.  Lögð fram afrit af bréfum frá Hundavinafélagi Íslands, Hestamannafélaginu Fáki og Dóms-og kirkjumálaráðuneytinu.

6. Bréf dags. 26/1 ´06 frá Samgöngunefnd Alþingis ásamt frumvarpi til hafnalaga, 380. mál, frestun framkvæmda o.fl.   Stjórnin tekur ekki afstöðu til frumvarpsins.   

7. Bréf dags. 8/2 ´06 frá Iðnaðarnefnd Alþingis ásamt frumvarpi til laga um stofnun hlutafélags um Rafmagnsveitur ríkisins, 392. mál. Stjórnin felur formanni og varaformanni að gera umsögn um frumvarpið.

8. Bréf dags. 9/2 ´06 frá Sjávarútvegsnefnd Alþingi ásamt frumvarpi til laga um stjórn fiskveiða, 448. mál, hámark á krókaaflahlutdeild o.fl.  Frumvarpið er til umsagna hjá sveitarfélögunum á Suðurnesjum, stjórnin vísar til umsagna þeirra.

9. Bréf dags. 10/2 ´06 frá Menntamálanefnd Alþingis ásamt frumvarpi til laga um grunnskóla, 447 mál, sjálfstætt reknir grunnskólar o.fl.  Frumvarpið er til umsagna hjá sveitarfélögunum á Suðurnesjum, stjórnin vísar til umsagna þeirra.

10. Bréf um nefnd um endurskoðun laga um heilbrigðisþjónustu frá 3/2 ´06. Stjórnin felur formanni og varformanni  að vinna að umsögn um frumvarpið.

11. Bréf dags. 26/1 ´06 frá Guðbjörgu Jóhannsdóttur atvinnuráðgjafa þar sem hún segir upp störfum. Stjórnin þakkar Guðbjörgu vel unnin störf og óskar henni velfarnaðar í nýju starfi.

12. Sameiginleg mál.
Stjórnin samþykkir að senda utanríkisráðherra bréf og óska eftir fundi til að ræða málefni Keflavíkurflugvallar.

Framkvæmdastjóra falið að ræða við  Rannsókn og greiningu  um möguleika á að gera skýrslu vegna ársins 2005 um hagi og líðan ungs fólks á Suðurnesjum, hliðstætt og gert var árið 2000 og 2003. 
 

Fundargerðir