344. fundur S.S.S. 25. nóvember 1993

 Árið 1993 er fundur haldinn í stjórn Sambands sveitarfélaga á Suðurnesjum fimmtudaginn 25. nóvember kl. 15.00.
Mætt eru:  Drífa Sigfúsdóttir, Finnbogi Björnsson, Margrét Gunnarsdóttir, Sigurður Valur Ásbjarnarson, Kristján Pálsson, Björgvin Lúthersson, Jón Gunnarsson, Guðjón Guðmundsson og Jóhanna M. Einarsdóttir ritari.

Dagskrá:

Formaður bauð nýjan fulltrúa Grindavíkur Margréti Gunnarsdóttur velkomna.

1. Bréf dags. 25/10 1993 frá samstarfsaðilum um ferlimál þar sem óskað er eftir styrk til útgáfu handbókar um ferlimál.  Stjórnin sér sér ekki fært að verða við erindinu.

2. Bréf dags. í nóv. frá FÍA og Landgræðslunni þar sem óskað er eftir stuðningi til að kaupa hreyfil í landgræðsluflugvélina.  Stjórnin samþykkir kr. 150.000.- sem tekið verður af liðnum „sérstök verkefni“.

3. Endurbætur á þjóðveginum Hafnir – Reykjanes (framhald frá síðasta fundi)  Samþykkt að skrifa þingmönnum kjördæmisins bréf þar sem skorað er á þingmenn að tryggja fjármagn til að ljúka við að leggja bundið slitlag á þjóðveginn Hafnir – Reykjanes.

4. Viðræður við AS og FSS.                                                                  
Málið rætt.  
Ákveðið að Jónína Guðmundsdóttir sitji ekki lengur í viðræðuhópi Þar sem formaður S.S.S. er nú úr Keflavík.  Er það gert í samráði við Jónínu.

5. Umræður um sameiginleg mál, dagskrá stjórnarfunda og fl.      
Samþykkt að hafa fastan lið á dagskrá hvers fundar „umræður um sameiginleg mál“.                                                                         

Finnbogi Björnsson og Sigurður Valur Ásbjarnarson véku af fundi vegna annars fundar.

6. Fundargerð Bláfjallanefndar frá 3/11 1993 ásamt rekstraráætlun 1994 og tillögum um framkvæmdafé.  Lagt fram.                                        
Áætlun og tillögum vísað til fjárhagsnefndar S.S.S.

7. Fundargerð Menningarnefndar Suðurnesja frá 10/11 1993.  Lögð fram.

8. Fundargerð fjárhagsnefndar S.S.S. frá 22/11 1993.  Samþykkt.