784. stjórnarfundur SSS 14. desember 2022
Árið 2022, er fundur haldinn í stjórn Sambands sveitarfélaga á Suðurnesjum miðvikudaginn 14. desember, kl. 8:00 í fundarsal Sambands sveitarfélaga á Suðurnesjum, Skógarbraut 945, 262 Reykjanesbæ.
Mætt eru: Friðjón Einarsson, Anton Kristinn Guðmundsson, Björn G. Sæbjörnsson, Sverrir Auðunsson og Berglind Kristinsdóttir sem jafnframt ritaði fundargerð.
hans.
Friðjón Einarsson formaður stjórnar setti fund og bauð fundarmenn velkomna á fundinn.
Dagskrá:
1. Minnisblað til ráðherra og bæjarstjórna á Suðurnesjum, dags. 29.11.2022. Erindi: Fjárhagsaðstoð við að stofna og reka FAB Lab stafræna smiðju á Suðurnesjum. Stjórn S.S.S. samþykkir að taka þátt í verkefninu að því gefnu að fjármögnun þess frá öðrum þátttökuaðilum sé tryggð og langtímasamningur liggi fyrir. Lagt er til að verkefni verði hluti af áhersluverkefnum Sóknaráætlunar Suðurnesja 2023-2024.
2. Ráðstefna Jarðvanga 2024, tilboð frá Markaðsstofu Reykjaness og Reykjanes UNESCO Geopark. Markaðsstofa Reykjaness og Reykjanes UNESCO Geopark sendu inn tilboð í 17. ráðstefnu Evrópska jarðvanga sem halda á árið 2024. Stjórn S.S.S. fagnar framtakinu og þakkar fyrir vel unnið tilboð sem hefði ekki orðið að veruleika nema búið hefði verið að vinna undirbúningsvinnu í gegnum áhersluverkefni Sóknaráætlunar Suðurnesja.
3. Fundargerð stýrihóps Stjórnarráðs um byggðamál nr. 85, dags. 07.11.2022. Lagt fram.
4. Fundargerðir stjórnar Þekkingarseturs Suðurnesja a. Fundargerð nr. 44, dags. 15.09.2022. b. Fundargerð nr. 45, dags. 17.11.2022. Lagt fram.
5. Stefnumörkun Sambands íslenskra sveitarfélaga 2022-2026. Lagt fram. Sveitarstjórnarfólk á Suðurnesjum er hvatt til þess að kynna sér stefnumörkunina vel.
6. Umsagnir frá nefndarsviði Alþingis. a. Þingsályktunartillaga um fyrirkomulag matvælaframleiðslu til neyðarbirgða, 397.mál. https://www.althingi.is/altext/pdf/153/s/0216.pdf b. Þingsályktunartillaga um millilandaflug um Hornarfjarðarflugvöll, 36.mál. https://www.althingi.is/altext/pdf/153/s/0036.pdf Lagt fram.
7. Tölvupóstur frá Fannari Jónassyni f.h. Grindvíkurbæjar, dags. 16.11.2022 vegna tilnefningar í vatnasvæðanefndir. Stjórn S.S.S. felur framkvæmdastjóra málið áfram til næsta fundar.
8. Drög að samningi vegna atvinnuráðgjafa á landsbyggðinni. a. Reikniregla. b. Skipting fjármagns . Gert er ráð fyrir því að samningurinn til S.S.S. lækki um kr.1.016.165,- frá fyrra ári, stjórn S.S.S. harmar það og felur framkvæmdastjóra að upplýsa þingmenn kjördæmisins þróun málsins. Stjórn S.S.S. felur framkvæmdastjóra að undirrita samninginn fyrir hönd S.S.S.
9. Starfsáætlun SSS/Heklunnar/MR/RGP 2023. Starfsáætlun SSS/Heklunnar/MR/RGP lögð fram til kynningar. Framkvæmdastjóra falið að senda áætlunina til sveitarfélaganna á Suðurnesjum til upplýsinga.
10. Önnur mál.
Fleira ekki gert og fundi slitið kl. 8:50.