Alþjóðleg ráðstefna EGN haldin í Reykjanesbæ
| Alþjóðleg ráðstefna European Geoparks NetworkHaldin 2.-4. október 2024 í Hljómahöll ReykjanesbæDagana 2.-4. október 2024 verður haldin alþjóðleg ráðstefna evrópskra jarðvanga í Reykjanesbæ. Nú þegar hafa hátt í 300 erlendir gestir skráð sig á ráðstefnuna en reiknað er með að allt að 400 gestir sæki ráðstefnuna. Ráðstefnan fer fram að mestu í Hljómahöll 2. og 3. október, þar sem fara fram hátt í 200 kynningar og vinnustofur með fulltrúum háskóla og jarðvanga um alla Evrópu. Á þessum tveimur dögum gefst gestum tækifæri á að kynnast fjölbreyttum verkefnum jarðvanga sem meðal annars snúa að jarðfræði, verndun náttúruminja, rannsóknum, menntun og fræðslu, ferðaþjónustu, menningu og samfélagsþróun. Seinnipartinn 2. október verður opið hús í Duushúsum þar sem jarðvangar í Evrópu kynna svæðin sín og íbúum á Reykjanesi, gestum og gangandi gefst tækifæri á að kynnast því sem svæðin hafa uppá að bjóða í ferðaþjónustu, mat og fleira. Þann 4. október verður gestum boðið uppá nokkrar ferðir um Reykjanesið, þar sem þau fá að kynnast náttúru, atvinnulífi, menningu og fræðslumálum á svæðinu. Yfir ráðstefnudagana er lögð áhersla á að gestir fái að kynnast því sem Reykjanesið hefur uppá að bjóða. Þannig eru lagt upp með að veitingar komi frá þjónustuaðilum á svæðinu, gestir og fjölskyldur þeirra gista á svæðinu og þau fái tækifæri til að skoða sig um og versla við þjónustuaðila okkar á meðan á dvöl þeirra stendur. Við hvetum ykkur til að fylgist með þegar dagskráin verður kynnt frekar og taka þátt, en upplýsingar um ráðstefnuna og fleira má finna inn á vefslóðinni www.egn2024.is. |
| Gisting fyrir ráðstefnugesti EGN 20241. – 5. október 2024 Okkur vantar því fleiri aðila á skrá hjá okkur. Flestir erlendu ráðstefnugestirnir gista í Reykjanesbæ til að vera sem næst ráðstefnusvæðinu yfir ráðstefnuna með komudegi 1. október og brottfarardegi 5. október. Einhver undantekning er þó á því, og sumir dvelja lengur og aðrir skemur. Margir hafa nú þegar bókað sína gistingu en fjöldi aðila á enn eftir að bóka og er að leita að gistingu. Ef laust er í gistingu á þínum gististað á þessu tímabili, vinsamlegast sendu póst til Þuríðar, thura@visitreykjanes.is sem allra fyrst og við komum þeim upplýsingum á framfæri til bent til ráðstefnugesta og eins inn á vef ráðstefnunnar www.egn2024.is. |