Vorfundur Sambands sveitarfélaga á Suðurnesjum 2026

Vorfundur Sambands sveitarfélaga á Suðurnesjum fór fram föstudaginn 10. apríl 2026 í Hljómahöll. Fundurinn var vel sóttur og bauð upp á fjölbreytta dagskrá þar sem fjallað var um lykilmálefni sem snerta þróun og framtíð Suðurnesja.

Fundurinn hófst með setningu Halldóru Fríðu Þorvaldsdóttur, varaformanns SSS. Í kjölfarið fjallaði Berglind Kristinsdóttir, framkvæmdastjóri SSS, um atvinnuleysi, atvinnutekjur og þjónustusvæði á Suðurnesjum. Þar kom fram mikilvægi þess að fylgjast vel með þróun vinnumarkaðar og styrkja innviði svæðisins til framtíðar.

Steinþór Þórðarson framkvæmdastjóri Kölku kynnti starfsemi fyrirtækisins og áherslur í úrgangsmálum. Þá fjallaði Hjördís Eva Þórðardóttir verkefnastjóri SSS um farsæld barna á Suðurnesjum og mikilvægi samvinnu milli stofnana og sveitarfélaga.

Arnar Steinn Elísson, verkefnastjóri almannavarna, fór yfir stöðu almannavarna á Suðurnesjum og þær áskoranir sem fylgja breyttum aðstæðum á svæðinu.

Í síðari hluta fundarins var sérstök áhersla á stöðu og uppbyggingu í Grindavík. Ásta Kristín Sigurjónsdóttir frá Íslenska ferðaklasanum og Þuríður Halldóra Aradóttir Braun frá Markaðsstofu Reykjaness kynntu verkefnið Grindavík saman í sókn, sem leggur áherslu á samstarf og framtíðarsýn fyrir svæðið. Að lokum fjallaði Ásrún Helga Kristinsdóttir, forseti bæjarstjórnar Grindavíkur, um endurreisn bæjarins og næstu skref.

Að erindum loknum tóku við léttar veitingar og umræður.

Vorfundur SSS 2026 undirstrikaði mikilvægi samvinnu, upplýsingamiðlunar og markvissrar uppbyggingar á Suðurnesjum á tímum breytinga.

Berglind Kristinsdóttir, framkvæmdastjóri SSS

Verkefnið Grindavík saman í sókn kynnt

Ásrún Helga Kristinsdóttir, forseti bæjarstjórnar Grindavíkur