Samtal um framtíð og samvinnu í markaðsmálum

Íslandsstofa og Markaðsstofa Reykjaness boða til samtals aðila í ferðaþjónustu og tengdra hagsmunaaðila. Á fundinum er ætlunin að ræða möguleika á að stilla enn frekar saman strengi í markaðssetningu landshluta og á landsvísu. Hvaða árangri viljum við ná í ferðaþjónustunni í framtíðinni og hvað er árangur í okkar huga? Hvernig getum við unnið betur saman og nýtt okkur þá markaðssetningu sem fer fram?
Á fundinum verða Inga Hlín Pálsdóttir, forstöðumaður ferðaþjónustu og skapandi greina hjá Íslandsstofu og Þuríður Halldóra Aradóttir, Markaðsstofu Reykjaness.Björk Guðjónsdóttir, verkefnastjóri mun stýra fundinum.
Fundarstaður: Frumkvöðlasetrið Eldey, Grænásbraut 506 á ÁsbrúTímasetning: Föstudagur 28. mars kl. 09.00-12.00.
Dagskrá: Erindi frá Ingu Hlín frá Íslandsstofu og Þuríði frá markaðsstofu Reykjaness um markaðssetningu á Íslandi og Reykjanesi.Samtal fundaraðila, hvernig náum við sem bestum árangri saman?
Vonumst til þess að sjá sem flesta. Skráning fer fram hjá Þuríði í netfangið: thura@visitreykjanes.is 
 
Fyrir þá sem vilja hita upp fyrir fundinn þá má finna efni frá markaðsstofunni hér.