fb_pixel
Skip to content Skip to main navigation Skip to footer

814. fundur stjórnar S.S.S.

Árið 2025, er fundur haldinn í stjórn Sambands sveitarfélaga á Suðurnesjum miðvikudaginn 13. ágúst, kl. 8:00 í fundarsal Sambands sveitarfélaga á Suðurnesjum, Skógarbraut 945, 262 Reykjanesbæ.

Mætt eru: Ásrún Helga Kristinsdóttir, Björn Sæbjörnsson, Halldóra Fríða Þorvaldsdóttir, Jónína Magnúsdóttir og Berglind Kristinsdóttir sem jafnframt ritaði fundargerð.

Halldóra Fríða Þorvaldsdóttir formaður setti fund og bauð fundarmenn velkomna á fundinn.
Dagskrá:

  1. Tilkynning um stjórn MR – umboð vegna almennra bankaviðskipta.
    Stjórn S.S.S. er jafnframt stjórn Markaðsstofu Reykjaness. Stjórn M.R. skipuð eftirfarandi:
    Halldóra Fríða Þorvaldsdóttir, formaður
    Jónína Magnúsdóttir, varaformaður
    Björn G. Sæbjörnsson, ritari
    Ásrún Helga Kristinsdóttir, meðstjórnandi.

Stjórn M.R. veitir framkvæmdastjóra Sambands sveitarfélaga á Suðurnesjum Berglindi Kristinsdóttur fullt umboð til almennra bankaviðskipta f.h. félagsins.

  1. Ársreikningur Markaðsstofu Reykjaness 2024.
    Kristján Ragnarsson endurskoðandi fór yfir ársreikninginn. Ársreikningur Markaðsstofu Reykjaness 2024 samþykktur samhljóða.
  2. Bréf dags 05.06.2025 frá vinum íslenskar náttúru.
    Lagt fram til kynningar.
  3. Tilnefning í úthlutunarnefnd Uppbyggingarsjóðs Suðurnesja – Suðurnesjabær.
    Stjórn S.S.S. staðfestir tilnefningu Suðurnesjabæjar í úthlutunarnefnd Uppbyggingarsjóð Suðurnesja.
    Aðalmenn Suðurnesjabæjar eru eftirfarandi:
    • Hlynur Þór Valsson
    • Særún Rósa Ástþórsdóttir
    Varamenn eru:
    • Jónína Magnúsdóttir
    • Magni Freyr Guðmundsson
  4. Fjárhagsáætlun 2026.
    Stjórnin ræddi forsendur fjárhagsáætlunar 2026. Framkvæmdastjóra falið að vinna málið áfram í samræmi við umræður stjórnar.
  5. Aðalfundur S.S.S. 2025.
    Aðalfundur S.S.S. verður haldinn laugardaginn 4.október. Fundurinn verður haldinn í Fjölbrautaskóla Suðurnesja.

Formaður stjórnar lagði fram ósk frá Reykjanesbæ um breytingar á samþykktum S.S.S., sem fela í sér að Reykjanesbær gegni alltaf formennsku.

  1. Önnur mál.
    Samráðsfundur með innviðaráðaherra verður haldinn á Suðurnesjum, mánudaginn 18. ágúst, kl. 16:30. Fundurinn verður haldinn á Park Inn, by Radisson og er opinn öllum.

Fleira ekki gert og fundi slitið kl. 9:30.

Halldóra Fríða Þorvaldsdóttir Jónína Magnúsdóttir Ásrún H. Kristinsdóttir

Björn Sæbjörnsson Berglind Kristinsdóttir
814. fundur_13082025Download

Fundargerðir