Rannsóknarsjóður – opinn fundur

Stjórn Rannsóknasjóðs býður til opins hádegisfundar miðvikudaginn 9. október kl. 12:00 í Hannesarholti.

Boðið verður upp á léttan hádegisverð fyrir gesti en einnig verður hægt að fylgjast með fundinum í streymi.

Markmið fundarins er að fá veganesti í stefnumótun stjórnar Rannsóknasjóðs með því að stofna til samtals við vísindasamfélagið um starfsemi sjóðsins og um umsóknar- og matsferlið.

Er brýnt að breyta áherslum, reglum eða verklagi, og þá hvernig?

Óskað er eftir því að gestir fundarins skrái sig svo hægt sé að áætla magn veitinga.