Uppbyggingarsjóður

Uppbyggingarsjóður Suðurnesja er samkeppnissjóður sem styður við menningar-, atvinnu- og nýsköpunarverkefni á Suðurnesjum.

Sjóðurinn auglýstir eftir umsóknum einu sinni að hausti og eru þær metnar út frá þeim markmiðum og áherslum sem koma fram í Sóknaráætlun Suðurnesja og reglum sjóðsins.

Úthlutað er úr sjóðnum árlega til verkefna á sviði menningar annars vegar, þ.á.m. stofn- og rekstrarstyrki, og til atvinnu og nýsköpunarverkefna hins vegar.

Aukaúthlutun 2026

Samband sveitarfélaga á Suðurnesjum (SSS) hefur fengið aukafjármuni frá fjárlaganefnd til úthlutunar í Uppbyggingarsjóð Suðurnesja. Stjórn SSS hefur ákveðið að auglýsa sérstaka aukaúthlutun þar sem lögð verður áhersla á tvo málaflokka.

Annars vegar verður lögð áhersla á minjar og varðveislu, svo sem starfsemi safna, varðveislu menningarminja og tengd verkefni. Í þessari úthlutun verður einnig opnað fyrir umsóknir frá einkasöfnum og verkefnum sem tengjast menningararfi svæðisins.

Hins vegar verður lögð áhersla á menningarviðburði sem tengjast Sólmyrkvanum, svo sem tónleika, listsýningar, fræðsluviðburði og aðra menningarviðburði sem geta tengst þessum einstaka viðburði.

Opið verður fyrir umsóknir í fjórar vikur, frá 24. mars til 24. apríl.

Senda skal umsóknir á netfangið uppbyggingarsjodur@sss.is.

Hér má sjá kynningarmyndbönd þar sem fjallað er um þau verkefni sem hlotið hafa styrk úr sjóðnum.