Hönnunarsjóður auglýsir ferðastyrki

Opnað hefur verið fyrir umsóknir um ferðastyrki hönnunarsjóðs og hægt er að sækja um til 1. september.Ferðastyrkirnir eru ætlaðir hönnuðum og arkitektum til að auka möguleika þeirra á að taka þátt í erlendum samstarfs- og kynningarverkefnum, sýningum, viðburðum, ráðstefnum og viðskiptastefnumótum. 
Hver ferðastyrkur nemur 100.000 krónum en sé gert ráð fyrir fleiri farþegum í tengslum við tiltekið verkefni getur verkefnið hlotið fleiri en einn styrk.
Þetta er þriðja umóknarferlið af fjórum um ferðastyrki á þessu ári. Gera má ráð fyrir að um 10 styrkjum verði úthlutað að þessu sinni. Eingöngu er hægt að sækja um styrk í ferðir sem hafa ekki verið farnar, þegar umsóknarfrestur rennur út. Nánar má kynna sér úthlutunarreglur á heimasíðu hönnunarsjóðs, sjodur.honnunarmidstod.is.
Umsóknum skal skilað rafrænt í sérstöku umsóknarformi sem hægt er að nálgast á vefsíðu sjóðsins, sjodur.honnunarmidstod.is
Þá er ein úthlutun ferðastyrkja eftir á árinu, tímarammi hennar er sem hér segir:Opnað fyrir umsóknir 15. september. Umsóknarfrestur er til 1. nóvember.