Samfélagssjóðir auglýsa eftir styrkumsóknum
Margir samfélagssjóðir auglýsa um þessar mundir eftir styrkumsóknum og hvetjum við frumkvöðla og þá sem vilja vinna að menningar- og samfélagsmálum til að kynna sér þá. Hér eru nokkrir þeirra en þeir eru mun fleiri.
Samfélagssjóður EFLU
15. september
EFLA veitir styrki til uppbyggjandi og jákvæðra verkefna, sem nýtast samfélaginu. Markmiðið með styrkjunum er að styðja við framtak einstaklinga og hópa sem stuðla að farsælli þróun samfélagsins, lífsgæðum og fjölbreyttu mannlífi. Sjóðurinn styrkir að jafnaði ekki ferðalög, rekstrar- eða launakostnað.
Samfélagssjóður Landsvirkjunar
30. nóvember
Stefna sjóðsins er að styðja verkefni sem hafa breiða samfélagslega skírskotun og möguleika á að hafa jákvæð áhrif á íslenskt samfélag.
Samfélagssjóður HS veitna
30. september
Sjóðurinn styrkir verkefni sem hafa jákvæð áhrif á íslenskt samfélag, lífsgæði og mannlíf. Tekið er á móti umsóknum um styrki frá öllum landshlutum en sérstök áhersla er lögð á að styðja verkefni í nágrannabyggðum starfsstöðva fyrirtækisins. Við val á verkefnum er m.a. litið til þeirra heimsmarkmiða um sjálfbæra þróun sem HS Orka hefur valið fyrir starfsemi sína
Samfélagssjóður Byko
1. október
Sjóðurinn styrkir verkefni sem snúa að sjálfbærni í tengslum við umhverfismál, félagsleg mál og stjórnarhætti. Verkefni sem snúa að heilbrigði og hreyfingu í barnastarfi og/eða uppbyggingar í samfélaginu falla vel að markmiðum sjóðsins.
Nánar
Önnur fyrirtæki með samfélagssjóði eru m.a. Landsbankinn, Íslandsbanki, Alcoa, Vís, Isavia, Samkaup, Krónan, Valitor og Aurora.