Vöruþróun – skipulögð sköpun
Athyglinni verður beint að vöruþróun í næsta hádegiserindi Heklunnar, atvinnuþróunarfélags Suðurnesja sem haldið verður miðvikudaginn 24. apríl 2024 kl. 12 – 13 en þar mun Telma Björg Kristinsdóttir fara yfir ferli vöruþróunar, mikilvægar vörður á leiðinni og segja frá tólum sem nýtast í þeirri vinnu. Skoðuð verða raundæmi um farsæla vöruþróun úr matvælaheiminum.
Telma Björg Kristinsdóttir er matvælafræðingur (M.Sc.) að mennt og starfandi ráðgjafi hjá Sýni ehf. Telma gegndi stöðu vöruþróunarstjóra hjá Ölgerðinni í tæp 7 ár og tókst á þeim tíma að þróa ýmsar vörunýjungar en stoltust er hún af VES, 105 og COLLAB.
Hádegiserindið verður á netinu og eru þátttakendur beðnir um að skrá sig á viðburðinn – öll velkomin!