672. fundur S.S.S. 6. mars 2014

Árið 2014, er fundur haldinn í stjórn Sambands sveitarfélaga á Suðurnesjum fimmtudaginn 6. mars, kl. 17:00 á skrifstofu S.S.S., Skógarbraut 945, Reykjanesbæ.

Mætt eru: Ásgeir Eiríksson, formaður, Gunnar Þórarinsson, Ólafur Þór Ólafsson, Bryndís Gunnlaugsdóttir Holm, Einar Jón Pálsson og Berglind Kristinsdóttir sem jafnframt ritaði fundargerð.

Dagskrá:

1.  Almenningssamgöngur á Suðurnesjum.
Formaður stjórnar fór yfir kostnað við núverandi kerfi.  Núverandi leiðarkerfi var borið saman við það kerfi sem ráðgjafar kynntu stjórnarmönnum á síðasta stjórnarfundi.  Formanni og framkvæmdastjóra falið að taka saman gögn fyrir næsta stjórnarfund.

2. Bréf dags. 13.02.2014 frá Sjálfsbjörg, v. aðgengi að almenningssamgöngum fyrir fatlaða milli Reykjavíkur og Keflavíkurflugvallar.
Lagt fram.

3. Fundargerð Reykjanes Jarðvangs nr. 9, dags. 13.02.2014.
Lagt fram.

4. Fundargerð Menningarráðs Suðurnesja nr. 35, dags.19.02.2014.
Lagt fram.

5. Innanlandsflug um Keflavíkurflugvöll – Skýrsla frá Heklunni. Lagt fram á síðasta stjórnarfund.
Samkvæmt tillögu er samþykkt var á 37.aðalfundi Sambands sveitarfélaga á Suðurnesjum var unnin skýrsla á vegum Heklunnar, Atvinnuþróunarfélags Suðurnesja.  Markmið skýrslunnar var að leitast við að svara spurningum um hvort möguleikar væru fyrir hendi að fljúga með ferðahópa til og frá Keflavíkurflugvelli, óháð framtíðar staðsetningu miðstöðvar innanlandsflugs og hvaða áhrif það hefði á Keflavíkurflugvöll ef innanlandsflug yrði lagt af á Reykjavíkurflugvelli.
Samkvæmt niðurstöðum skýrslunnar eru einungis 10-20% farþega í innanlandsflugi erlendir ferðamenn.  Stjórn S.S.S. bendir því á að sóknarfæri eru í því að fjölga erlendum ferðamönnum t.d. með beinu flugi milli Keflavíkurflugvallar og valdra áfangastaða innanlands. Það gæti átt þátt í því að uppfylla markmið Samgönguáætlunar og þar með tryggja landsbyggðum greiðan aðgang að tenginu við alþjóðamarkaði. 

Stjórn S.S.S. bendir að auki stjórnvöldum á að Keflavíkurflugvöllur er vel í stakk búinn til að verða miðstöð innanlandsflugs til frambúðar.

Suðurnesjamenn eru tilbúnir til að taka þátt í umræðu um framtíð innanlandsflugs á Íslandi enda Keflavíkurflugvöllur augljós valkostur verði það niðurstaðan að færa innanlandsflugið úr Vatnsmýrinni.

6. Tölvupóstur dags. 13.03.2014 frá Nefndarsviði Alþingis varðandi umsögn um tillögu til þingsályktunar um endurskoðun á lagaumhverfi er varðar uppkaup á landi, 277.mál. http://www.althingi.is/altext/143/s/0532.html
Lagt fram.

7. Tölvupóstur dags. 13.03.2014 frá Nefndarsviði Alþingis varðandi umsögn um tillögu til þingsályktunar um kaup ríkisins á Grímsstöðum á fjöllum, 276.mál. http://www.althingi.is/altext/143/s/0530.html
Lagt fram.

8. Tölvupóstur dags. 20.02.2014 frá Nefndarsviði Alþingis varðandi umsögn um frumvarp til laga um umferðarlög (EES-reglur o.fl.), 284 mál.. http://www.althingi.is/altext/143/s/0552.html
Lagt fram.

9. Önnur mál.
Ekki fleira gert og fundi slitið kl. 18:42.  Næsti fundur stjórnar verður fimmtudaginn 20.mars, kl. 17:00.