Örnám í frumkvöðlastarfi fyrir innflytjendur
Háskólinn á Bifröst kynnir nýtt örnám í frumkvöðlastarfi sem kennt er á ensku og sérstaklega hannað fyrir innflytjendur sem vilja taka fyrstu skrefin í átt átt að háskólanámi en um leið kynnast frumkvöðla og nýsköpunarumhverfinu á Íslandi. Suðurnesjakonan Fida Abu Libdeh stofnandi GeoSilica er ein af kennurum en hún er bæði innflytjandi og frumkvöðull og hefur náð langt í frumkvöðlaheiminum.
Um námið:
- Heiti: Frumkvöðlastarf á Íslandi
- Tungumál: Kennt á ensku
- Fjarnám: Þrjú samtengd námskeið, samtals 18 ECTS einingar
- Tímabil:
- ágúst – 30. nóvember 2025
- Verð: 225.000 kr. (flest stéttarfélög veita styrki til félagsmanna)
Markmið og innihald:
Markmiðið er að auðvelda þeim sem eru ekki íslenskumælandi að hefja háskólanám. Námið veitir þátttakendum aðgang að nýju tengslaneti og hagnýta þekkingu og færni í frumkvöðlastarfi, þar á meðal:
- Að þróa og staðfesta viðskiptahugmyndir
- Að nýta hönnunarhugsun í nýsköpun
- Að kynnast íslensku sprotaumhverfi og stuðningsúrræðum
- Að öðlast innsýn í fjármögnun og rekstur eigin fyrirtækis
Kennarar:
Námið er kennt af reynslumiklum frumkvöðlum og sérfræðingum:
- Fida Abu Libdeh, stofnandi GeoSilica Iceland
- Arnar Sigurðsson, sérfræðingur í skapandi nýsköpun
- Michael Hendrix, fyrrverandi yfirmaður hjá IDEO (USA) og stofnandi Huldunótna á Íslandi
Skráning og nánari upplýsingar:
Skráning stendur yfir til 10. ágúst 2025.
Nánari upplýsingar og skráning er aðgengileg á vef Háskólans á Bifröst á íslensku og ensku: https://www.bifrost.is/namid/felagsvisindadeild/frumkvodlastarf-a-islandi
Allar frekari upplýsingar veitir Anna Hildur Hildibrandsdóttir fagstjóri örnámsins.