583. fundur SSS 8. febrúar 2008
Árið 2008, er fundur haldinn í stjórn Sambands sveitarfélaga á Suðurnesjum föstudaginn
8. febrúar kl. 08.15 að Iðavöllum 12b, Reykjanesbæ.
Mætt eru: Oddný Harðardóttir, Birgir Örn Ólafsson, Garðar K. Vilhjálmsson, Guðjón Guðmundsson framkv.stj. og Jóhanna M Einarsdóttir ritari.
Fulltrúar Sandgerðisbæjar og Grindavíkurbæjar boðuðu forföll.
Dagskrá:
1. Hugmyndir um framhaldsskóla á Vallarheiði. Hjálmar Árnason kom á fundinn og kynnti hugmyndir Keilis um fyrirhugað námsframboð á framhaldsskólastigi.
2. Endurskoðun Svæðisskipulags Suðurnesja 1987 – 2007. Stefán Thors, skipulagsstjóri kom á fundinn og ræddi um vinnu við svæðisskipulag. Stjórn SSS leggur til að hafin verði vinna við svæðisskipulag Suðurnesja. Stjórnin óskar eftir tilnefningum frá sveitastjórnunum, tilnefndir verði 2 fulltrúar frá hverju sveitarfélagi.
3. Málefni H.S. og undirskriftarlistar um eignarhald á HS.
Stjórn SSS hefur á fundum sínum fjallað um áskorun til sveitarstjórnarmanna á Suðurnesjum um að leita leiða til að tryggja að orkuöflun og dreifing á rafmagni og heitu vatni verði í meirihlutaeigu sveitarfélaganna.
Stjórn SSS vill vekja athygli á að Hitaveita Suðurnesja hf. er hlutafélag og lýtur því lögum nr. 2/1995 um hlutafélög.
Hitaveita Suðurnesja hf. er að meirihluta í eigu sveitarfélaga og/eða fyrirtækja þeirra og telur stjórn SSS að ef tryggja eigi að orkuöflun og dreifing á rafmagni og heitu vatni sé í meirihlutaeigu sveitarfélaganna til frambúðar, verði það aðeins gert með löggjöf frá Alþingi.
4. Fjárhagsáætlanir sameiginlega rekinna stofnana árið 2008. Afgreiðslur sveitarstjórna.
a) Bréf dags. 20/12 ´07 frá Reykjanesbæ
b) Bréf dags. 13/12 ´07 frá Grindavíkurbæ
c) Bréf dags. 05/02 ´08 frá Sv. Garði
d) Bréf dags. 05/02 ´08 frá Sandgerðisbæ
e) Bréf dags. 05/02 ´08 frá Sv. Vogum
Sveitarfélögin hafa öll samþykkt fjárhagsáætlanir sameiginlega rekinna stofnana fyrir 2008 en Reykjanesbær bókaði eftirfarandi:
“Fjárhagsáætlun Reykjanesbæjar og sameiginlega rekinna stofnana 2008, að undanskyldri heimild til lántöku vegna stofnfjár Kölku, samþykkt með 7 atkvæðum meirihlutans. Minni hlutinn situr hjá.
Lagt var til að vísa lántöku vegn stofnfé til viðbótar rekstrargjöldum í Kölku til bæjarráðs og var tillagan samþykkt 11-0”.
5. Samningur um uppbyggingu stoðþjónustu í málefnum geðfatlaðra á Suðurnesjum. Samningurinn er í samræmi við fjárhagsáætlun 2008, lagður fram og staðfestur.
6. Bréf dags. 14/1 ´08 frá menntamálaráðuneytinu varðandi greiðslu á framlagi til menningarmála fyrir árið 2007. Lagt fram.
7. Bréf dags. 10/1 ´08 frá Reykjanesbæ þar sem fram kemur að Garðar K. Vilhjálmsson hefur verið tilnefndur fulltrúi í menningarráð.
8. Bréf dags. 13/12 ´07 frá Grindavíkurbæ, varðandi kostnaðarskiptingu skíðasvæða höfuðborgarsvæðisins. Sveitarfélögin á Suðurnesjum hafa öll ákveðið að vera ekki aðilar að nýjum samningi um skíðasvæðin á höfuðborgarsvæðinu.
9. Bréf dags. 17/1 ´08 frá Samgöngunefnd Alþingis ásamt frumvarpi til laga um samgönguáætlun, 292. mál. Stjórnin tekur ekki afstöðu til frumvarpsins.
10. Bréf dags. 17/1 ´08 frá Iðnaðarnefnd Alþingis ásamt frumvarpi til laga um uppruna-ábyrgð á raforku, 271. mál, EES-reglur. Stjórnin tekur ekki afstöðu til frumvarpsins.
11. Bréf dags. 24/1 ´08 frá Sjávarútvegs- og landbúnaðarnefnd Alþingis ásamt frumvarpi til laga um stjórn fiskveiða, 272. mál, veiðar í atvinnuskyni. Stjórnin tekur ekki afstöðu til frumvarpsins.
12. Fundargerð Þjónustuhóps aldraðra frá 24. janúar ´08. Lögð fram.
13. Samráðsfundur LN með fulltrúum sveitarstjórna á Suðurnesjum vegna komandi kjaraviðræðna við Kennarasamband Íslands um gerð kennarasamnings. Lagt fram.
14. Bréf dags. 15/1 ´08 frá Tómasi J. Knútssyni varðandi kynningu á verkefninu Hreinn ávinningur. Ákveðið að boða Tómas á næsta fund stjórnarinnar.
15. Bréf dags. 5/2 ´08 frá Framtíðarlandinu. Beiðni um styrk vegna málþings “Reykjanes: suðupottur tækifæra”. Stjórnin samþykkir kr. 100.000.-.
16. Sameiginleg mál.
Engin bókuð mál undir þessum lið.
Fleira ekki gert og fundi slitið kl. 11.10