637. fundur 16. febrúar 2012

Árið 2012, er fundur haldinn í stjórn Sambands sveitarfélaga á Suðurnesjum fimmtudaginn 16. febrúar kl. 17.00, á skrifstofu S.S.S., Skógarbraut 945, Reykjanesbæ.

Mætt eru: Ólafur Þór Ólafsson formaður, Gunnar Þórarinsson, Þórunn Erlingsdóttir, Einar Jón Pálsson, Jóngeir Hlinason og Berglind Kristinsdóttir sem jafnframt ritaði fundargerð.

Dagskrá:

1.  Almenningssamgöngur á Suðurnesjum.
a) Undirritaður samningur um almenningssamgöngur milli Suðurnesja og höfuðborgarsvæðisins.
b) Afrit af fundargerð IRR12010323, starfshópur um skilgreiningu á hlutverki almenningssamgangna og aðgreiningu þeirra frá þjónustu við ferðmenn.
c) Minnisblað frá Ásmundi Friðrikssyni, dags. 29.01.2012.
Fundargerðir og minnisblað lagt fram.  Fulltrúi Voga skýrði frá bókun bæjarráðs Sveitarfélagsins Voga varðandi almenningssamgöngur.  Stjórn S.S.S. staðfestir samninginn um almenningssamgöngur við Vegagerðina.  Jafnframt er framkvæmdastjóra falið að athuga með áframhaldandi samning við Kynnisferðir sem gilda skal 31.otkóber 2012. 

Stjórn S.S.S. leggur til að skipaður verði starfshópur til að fara yfir þá valkosti í almenninssamgöngum á Suðurnesjum, sem kynntir voru á fundi með sveitarstjórnarmönnum og í ljósi þeirrar umræðu sem fram hefur farið.   Óskað er eftir því að hvert sveitarfélag skipi einn fulltrúa hvert í starfshópinn.  Hópnum er heimilt að kalla til sérfræðinga sér til ráðgjafar.  Framkvæmdastjóri S.S.S. vinnur með hópum og kallar hann saman.  Hópurinn skal skila tillögu til stjórnar S.S.S. fyrir 15. maí 2012. 

2. Bréf dags. 06.02.2012 frá Samtökum ferðaþjónustunnar, varðandi samning SSS og Vegagerðarinnar.
Lagt fram.

3. Afrit af bréfi dags. 24.01.2012 frá Sambandi sveitarfélaga á Austurlandi, varðandi framtíð Reykjavíkurflugvallar.
Lagt fram.

4. Bréf dags. 20.01.2012 frá Helgu B. Laxdal fyrir hönd borgarstjórnar Reykjavíkur varðandi lestartengingu milli Keflavíkurflugvallar og höfuðborgarsvæðisins.
Lagt fram.

5. Tölvupóstur dags. 11.01.2012 frá Karitas Gunnarsdóttur f.h. Mennta- og menningarmálaráðuneytisins, varðandi skiptingu á viðbótarframlagi til menningarmála.
Lagt fram.

6. Afrit af viðauka á samningi um samstarf ríkis og sveitarfélaga á Suðurnesjum um menningarmál og menningartengda ferðaþjónustu, dags. 27.01.2012.
Stjórn S.S.S. staðfestir samninginn. 

7. Fundargerð nr. 16, dags. 16.01.2012 frá Þjónusturáði Suðurnesja.
Lagt fram.

8. Fundargerð nr. 17, dags. 06.02.2012 frá Þjónusturáði Suðurnesja.
Lagt fram.

9. Fundargerð nr. 78, dags. 17.01.2012 frá Þjónustuhópi aldraðra.
Lagt fram.

10. Fundargerð nr. 79, dags. 27.01.2012 frá Þjónustuhópi aldraðra.
Lagt fram.

11. Bréf dags. 03.02.2012 frá Sigrúnu Árnadóttur f.h. Sandgerðisbæjar varðandi stefnumótun á þjónustusvæði Suðurnesja um málefni fatlaðs fólks.
Stjórn S.S.S. telur sjálfsagt að verða við erindi Sandgerðisbæjar og veitir frest til 1. mars til að skila inn athugasemdum vegna stefnumótunar á þjónustusvæði Suðurnesja um málefni fatlaðs fólks.

12. Bréf dags. 27.01.2012 frá Sigurði H. Valtýssyni f.h. sveitarfélagsins Voga, varðandi aðalskipulagbreytingu á athafnasvæði Keilisness.
Lagt fram.

13. Umsagnir um þingsályktunartillögur frá nefndarsviði Alþingis:
a. Framkvæmdaályktun í málefnum fatlaðs fólks, mál nr. 440
b. Frumvarp til laga um menningarminjar, mál nr. 316.
c. Framvarp til laga um varnir gegn mengun hafs og stranda, mál nr. 375
d. Tillaga um fjögurra ára fjarskiptaáætlun fyrir árin 2011-2014, mál 343. 
e. Tillaga um tólf ára fjarskiptaáætlun fyrir árin 2011-2022, mál nr. 342. 
f. Frumvarp til laga um fjögurra ára samgönguáætlun 2011-2014, mál nr. 392. 
g. Þingsályktunartillaga um samgönguáætlun 2011-2022, mál nr. 393. 
h. Frumvarp til laga um stjórn fiskveiða (uppboð aflaheimilda), mál nr. 202.
Lagt fram.
 

14. Tölvupóstur frá Margréti Jónsdóttur Njarðvík, dags. 29.11.2011, varðandi sameiginlega IPA umsókn.
Framkvæmdastjóri sagði frá fundi sem hann átti með fulltrúum Reykjavíkurborgar, Fjórðungssambands Vestfjarða, Fjölmenningarsetrinu, Rauða krossinum og Geðhjálpar vegna IPA umsóknar. Stjórn S.S.S. mun leitast við að styðja verkefnið eins og kostur er. 

15. Auka aðalfundur Sambands sveitarfélaga á Suðurnesjum.
Liðnum frestað til næsta fundar sem haldinn verður fimmtudaginn 1. mars, kl. 16:30.

16. Önnur mál.

Fleira ekki gert og fundi slitið kl. 18:30.