726. stjórnarfundur SSS 28. desember 2017

Árið 2017, er fundur haldinn í stjórn Sambands sveitarfélaga á Suðurnesjum fimmtudaginn 28. desember, kl. 10:00 á skrifstofu S.S.S., Skógarbraut 945, Reykjanesbæ.

Mætt eru:Kolbrún Jóna Pétursdóttir, Einar Jón Pálsson, Guðmundur Pálsson, Ólafur Þór Ólafsson, Ingþór Guðmundsson og Berglind Kristinsdóttir sem
jafnframt ritaði fundargerð.

1. Almenningssamgöngur á Suðurnesjum – Niðurstöður verðtilboðs samningskaupa nr. SSS17

Niðurstaða mats á endanlegum lausnum og verðtilboðum.
Við mat á endanlegum lausnum og verðtilboðum var sú flétta verkþátta sem fékk hæstan stigafjölda fundin og var hún eftirfarandi:

• Hópbílar, verkhluti 1, heildarverð 148.619.484,-, heildareinkunn 98.
• Hópbifreiðar Kynnisferða ehf., verkhluti 2, heildarverð 32.183.625, heilareinkunn 97.

Samtals hljóðar verkið upp á kr. 180.803.109,- 

Stjórn Sambands sveitarfélaga á Suðurnesjum staðfestir hér með að samið verði við Hópbíla hf. um verkhluta 1 og Hópbifreiðar Kynnisferða ehf. um verkhluta 2 og er VSÓ ráðgjöf falið að tilkynna þátttakendum þá ákvörðun.

Framkvæmdastjóra falið að undirrita samninga fyrir hönd Sambands sveitarfélaga á Suðurnesjum.

2. Önnur mál.

Samgöngu- og sveitarstjórnarráðuneytið hefur hug á því að hefja vinnu við útbætur á almenningssamgögnum á landsbyggðinni.  Stjórn S.S.S. gerði samning við Vegagerðina þann 1.febrúar 2012 um almenningssamgöngur á Suðurnesjum.  Samningurinn átti að gilda til 31.12.2018 en var framlengdur til 31.12.2019 vegna einhliða uppsagnar þáverandi Innanríkisráðherra á einkaleyfi milli Flugstöðvar Leifs Eiríkssonar og höfuðborgarsvæðisins.  Samningar annarra landshlutasamtaka renna út þann 31.12.2108 og telur stjórn S.S.S. því rétt að samningur S.S.S. renni út á sama tíma, til að auðvelda heildarendurskoðun kerfisins. 

Stjórn S.S.S. felur framkvæmdastjóra að segja samningum formlega upp fyrir hönd S.S.S.  Jafnframt er framkvæmdastjóra falið að segja þjónustusamningi við Strætó b.s. upp, svo hann renni út á sama tíma eða 31.12.2018.

Næsti fundur stjórnar verður 10.janúar kl. 08:00.

Fleira ekki gert og fundi slitið kl. 10:30.