732. stjórnarfundur SSS 05. júní 2018
Árið 2018, er fundur haldinn í stjórn Sambands sveitarfélaga á Suðurnesjum þriðjudaginn 5. júní, kl. 8:00 á skrifstofu S.S.S., Skógarbraut 945, Reykjanesbæ.
Mætt eru:Kolbrún Jóna Pétursdóttir, Einar Jón Pálsson, Guðmundur Pálsson, Ólafur Þór Ólafsson, Ingþór Guðmundsson og Berglind Kristinsdóttir sem
jafnframt ritaði fundargerð.
1. Sálfræðiþjónusta fyrir nemendur í Fjölbrautaskóla Suðurnesja.
a) Sálfræðiþjónusta í FS – kynning á þjónustu.
b) Sálfræðiþjónusta við FS – Lykiltölur fyrir skólaárið 2016-2017
Lagt fram til kynningar. Stjórn Sambands sveitarfélaga á Suðurnesjum tekur undir mikilvægi þess að hafa gott aðgengi fyrir framhaldsskólanema að sálfræðiþjónustu. Fram kemur í meðfylgjandi samantekt að aðgengi að þjónustu í geðheilbrigðiskerfinu er minna eftir útskrift úr grunnskóla. Einnig kemur fram í samantektinni að fleiri nemendur en áður upplifa margvíslega erfiðleika á framhaldsskólaárunum. Dæmi um það er námserfiðleikar, einbeitingarleysi, slök skólasókn, félagsleg einangrun og að lokum brottfall. Frá haustönn 2016 til vorannar 2018 var sálfræðiþjónusta í boði fyrir nemendur í Fjölbrautaskóla Suðurnesja sem styrkt var úr sjóði á vegnum ríkisvaldsins. Nú er sá sjóður ekki lengur til staðar.
Stjórn S.S.S. telur mikilvægt að þessi þjónustu sé í boði innan Fjölbrautaskóla Suðurnesja og hvetur ríkisvaldið til þess að tryggja fjármagn til þjónustunnar.
2. Fundargerð stjórnar Heklunnar nr. 65, dags.23.05.2018.
Lögð fram.
3. Fundargerð stjórnar Reykjanes Geopark nr. 44, dags. 23.05.2018.
Lögð fram.
4. Drög að starfsreglum stjórnar Sambands sveitarfélaga á Suðurnesjum.
Lagt fram. Framkvæmdastjóra falið að vinna verkefnið áfram.
5. Drög að starfsmannastefnu Sambands sveitarfélaga á Suðurnesjum.
Stjórn S.S.S. samþykktir starfsmannastefnu Sambands sveitarfélaga á Suðurnesjum.
6. Undirbúningur aðalfundar S.S.S.
a) Breytingar á samþykktum S.S.S.
Framkvæmdastjóra S.S.S. falið að uppfæra samþykktir í samræmi við umræður fundarins. Samþykktirnar verða lagðar fram á næsta aðalfundi S.S.S.
b) Breytingar á erindisbréfi Heklunnar.
Stjórn S.S.S. samþykkir breytingar á grein 3.1. Þar segir að stjórn Heklunnar skuli skipuð 6 stjórnarmönnum og 6 til vara. Framkvæmdastjóra falið að uppfæra erindisbréfið í samræmi við umræður stjórnar.
c) Breytingar á samþykktum Markaðsstofu Reykjaness.
Framkvæmdastjóra falið að afla frekari gagna um skipulag annarra Markaðsskrifstofa.
Aðalfundur S.S.S. verður haldinn daganna 7.-8. september í Grindavík.
7. Ný persónuverndarlög.
Vinnsluskrá fyrir Samband sveitarfélag á Suðurnesjum lögð fram.
Stjórn S.S.S. leggur til að sveitarfélögin á Suðurnesjum ráði sameiginlegan persónuverndarfulltrúa fyrir sveitarfélög á Suðurnesjum og stofnanir þeirra. Lagt er til að persónuverndarfulltrúinn verður staðsettur hjá S.S.S. Framkvæmdastjóra S.S.S. falið að óska eftir viðbrögðum sveitarfélaganna og sameiginlegra rekinna stofnanna.
8. Önnur mál.
Næsti fundur stjórnar verður haldinn miðvikudaginn 8. ágúst kl. 08:00.
Fleira ekki gert og fundi slitið kl. 9:40.