477. fundur SSS 14. september 2000

 Árið 2000, er fundur haldinn í stjórn Sambands sveitarfélaga á Suðurnesjum fimmtudaginn 14. september kl. 15.00 að Fitjum.

Mætt eru:  Sigurður Jónsson, Skúli Þ. Skúlason, Óskar Gunnarsson, Hall-grímur Bogason, Þóra Bragadóttir og Guðjón Guðmundsson framkv.stj.

Dagskrá:

1. Eiríkur Hermannsson skólamálastjóri kom á fundinn og  ræddi um hugmyndir og kostnað við athugun á stöðu skóla- og æskulýðsmála á Suðurnesjum samanber síðustu fundargerð SSS nr. 476, lið 15. Stjórnin tekur jákvætt í að vinna þessa athugun og felur framkvæmdastjóra og skólamálastjóra að ræða við Rannsókn og greiningu um fyrirkomulag og kostnað.

2. Fundargerð launanefndar SSS frá 29/8 ´00. Lögð fram og samþykkt  varðandi lið 1 – 3 ákveður stjórnin að óska eftir við launanefnd sveitarfélaga að að taka við samningsumboðinu.  Þessi félög sem hér um ræðir eru Félag íslenskra náttúrufræðinga, Félag íslenskra hjúkrunarfræðinga, Sjúkraliðafélag Íslands, Verkalýðs- og sjómannafélag Keflavíkur og Vélstjórafélag Suðurnesja.
Þá er ítrekað að launanefnd sveitarfélaga fer áfram með samningsumboð við Starfsmannafélags Suðurnesjabyggða, Landsamband slökkviliðsmanna.

3. Bréf dags.  5/9 ´00 frá menntamálaráðherra. Þar eru tilnefndir þeir Hermann Jóhannesson deildarstjóri og Karl Kristjánsson af hálfu ráðuneytisins til að vinna að frumathugun og tillögugerð um stækkun húsnæðis FS. 

4. Bréf dags. 6/9 ´00 frá fjárlaganefnd Alþingis. Þar er sveitarstjórnarmönnum gefin kostur á að eiga fund með nefndinni. Ákveðið að óska eftir tíma hjá nefndinni.

5. Bréf dags. 1/9 ´00 frá Umhverfisfræðsluráði ásamt dagskrá ráðstefnunni “Að nema af náttúrunni – vettvangsfræðsla, náttúrusöfn og náttúruskólar”. Lagt fram.

6. Bréf dags. 30/8 ´00 frá SSNV ásamt ályktunum frá 8. ársþingi samtakanna. Lagt fram.

7. Heimsókn SSH til Suðurnesja.  Lögð fram drög að dagskrá. Ákveðið að vinna áfram að málinu.

8. Aðalfundur SSS árið 2000.  Lögð fram drög að dagskrá. Formaður, varaformaður og framkvæmdastjóri vinna áfram að málinu.

9. Sameiginleg mál.

Fleira ekki gert og fundi slitið kl. 17:00